View source for Government PIKOBET NEPASIN KEMACETAN PAMEDEK RING PURA PURA BESAKIH

{{PageSponsor}}
{{Government
|Title=PIKOBET NEPASIN KEMACETAN PAMEDEK RING PURA PURA BESAKIH
|Authors=Kadek Cahaya Dewi
|Affiliation=SMK Negeri 1 Denpasar
|Regency=Denpasar
|Kategori=high
|Photograph=20240418T065908471Z515315.jpg
|Description text ban=Rikala nemonin piodalan ring pura besakih, saking nguni rauh mangkin stata kapiambeng antuk pikobet indik kemacetan sajeroning nuju penangkilan ring penataran agung miwah ring padharman soang-soang. Sinalih tunggilnyané pikobet sané pinih mabuat rikala nglintangin margi munggah ring sisi kangin pura besakih. Para pamedek nénten prasida munggah nuju ring soang-soang padharman ngantos pamedek ngrereh margi alternatif majalaran antuk parilaksana sane nénten becik, sakadi ngecogin témbok, miwah ngrusak tetaneman sané wewidangan pura besakih, wénten sané kroda ngawinang pikayunan menangkil nénten hening, napi malih sané makta anak alit turmaning nangis sangkaning kajepit antuk pamedek sané tiosan. Yéning sampun kadung ngadeg ring tengah munggah tan prasida tedun taler nénten mrasidayang. Indiké puniki sané ngawinang para pamedek ngrereh galah sané becik mangda pamarginé nangkil ring Ida Sang Hyang Widhi Wasa antar. Pikobet sane tiosan taler akeh wenten anak maadolan ring margi nuju pura taler ngawinang margine krodit.
	Madasar antuk pikobeté puniki, manut ring panampén titiang manggala praja mangda mikayunin ngaryanang pamargi alternatif miwah ngewehin pecalang sané nujunin utawi nudonang pamedek. Margi alternatif sané kakaryanin punika pacang milah pamedek sané tangkil nuju padharman miwah wenten margi majeng para pamedek sané naus nuju pura penataran agung. Pecalang sané nyaga mangda nguningang para pamedek mangda masandekan riin ring sor margi sadurung wénten genah ngaturang bakti. Punika patut kalaksanayang santukan pamedek sané tangkil ka padharman akéh nongos ring undag-undagan margi. Penampen titiang sane tiosan inggih punika majeng ring para prawartaka piodalan ngepah-pahang para pamedek sane jagi tangkil ka padharman utawi nénten ka padharman ring jaba sor pura. Salanturnyané sané maadolan sapatutnyané nénten maadolan ring sapantaraning pura.
|Topic=Current
}}