Om swastiastu Sane wangiang tityang majeng para angga panureksa sareng sami sapunika taler majeng para semeton yowana Bali sinareng sami sane tresna asihin titiang. Pinih ajeng titiang ngaturang rasa angayubagia majeng ring Ida Sang Hyang Widhi Wasa, duaning sangkaning paswecan Ida, titiang taler semeton yowana Bali prasida mapupul ring sajeroning acara Wikithon Partisipasi Publik Bali Beorasi. Ring galahe sane becik puniki, titiang ngaturang orasi sane mamurda Katun Wenten Kemiskinan Ring Wewidangan Bali . Para semeton sareng sami utamanyane semeton yowana Bali, pulau Bali sayuwakti sampun kaloktah kantos ka dura negara ring sajeroning indik pariwisata Bali nyane, sakewanten lianan ring punika pulau Bali madue pikobet sane mabuat pisan inggih punika ngenenin indik pikobet kemiskinan. Wewidangan sane kebaosang kantun wenten warga miskin inggih punika ring wewidangan buleleng miwah Karangasem manut data Kompas.com sane titiang wacen. Saking pikobat punika, titiang ngaptiang mangdane sapasira ja pemimpin Bali sane kapilih ring warsa 2024, mangda nguratiang pikobet kemiskinan sane wenten ring Bali tur mangde prasida ngarerehin solusi utawi ngicenin solusi ngenenin indik pikobet punika, mangda kemiskinan ring Bali nyansan ngareredang gumentos ical kemiskinan punika ring Bali. Ngiring sareng sami utamanyane para yowana Bali eling tur nguratiang indik kahanan jagat Bali, duaning jagat Bali sampun kaloktah kedua negara. Inggih wantah asapunika orasi titiang ngenenin indik pikobet Kemiskinan Ring Wewidangan Bali kirang langkung titiang nunas pangampura. Puputan titian ngaturang parama santhi. Om Santhi, Santhi, Santhi Om.
Enable comment auto-refresher