"Starting From Yourself For Bali"

This is a Response to the Sampah Upacara wikithon

Yén saihan ngajak budaya ané di Nusantara Umat Hindu Bali rasané ané paling liuna ngelah upacara agama, jeg.. ngerahina ade dogén upacara agama, apabuin nuju rahinan jagat, sami umat Hindu ngalaksanayang pamuspan di Pura soang-soang. di Bali yéning ngalaksanayang upacara suba pasti nganggo sarana-prasarana banten lan piranti sané lianan.

Yén kenehang tiang iraga suba nawang luu ané suud anggo muspa pasti suba dadianga besik lakar kutanga di nista mandala utawi di jaba pura.

Di désan tiangé suba sesai prajuru adaté ngélingin “kramané mangda, nénten nganggén plastik anggén wadah banten, ngambil sisan pamuspan kutang ke tong sampahé la nénten nuunang canang di pura bakta manten ke jero soang-soang”. Kéwala rasayang tiang ada né rungu tekén pangéling-éling prajuruné ada masih né tanpa rungu, iraga tusing taén makeneh luu-luu sarana upacara ento sanget nyemerin lingkungan apabuin luu ané kéweh ngolah. Yén sing uli iraga padidi ané rungu anak nyén ka orin?!!

Category: general
Affiliation: -
Age: 16-21

What do you think about this response?

Comments below!

Enable comment auto-refresher

Kevingaldian

8 days ago

Votes 1

Kahanan sekaid puniki sampun sering kacingak ring masarakat. Pangeling-eling sampun wenten, sistem sampun wenten, sane majaga taler wenten. Sakemaon jeg tetep manten kramane ane makuping tebel tur baat matindakan. Nuutin pangeling-eling sane sampun wenten nenten ja meweh. Yakti! Punika wantah saking kebiasaan diri sendiri manten. Yening mula di jero soang-soang manten sampun mayus mabersih-bersih, kantos ka pisaga miwah ka pura taler jagi mayus nuduk luu sisan pamuspan. Ngiring ja iraga sareng sami ngawit mangkin negtegang manah mangda satya nyaga karesikan ibu pertiwi. Duduk malih luu sisan upakarane!

Permalink | Reply