Waste problem on earth

This is a Response to the Sampah Upacara wikithon

Pamerintah prasida ngentungang prabéya anggén nglimbakang kesadaran indik kawigunan daur ulang ring galah sané pinih rihin. Titiang meled pisan mangda pamiarsa sami pada eling ring kawigunan daur ulang. Indike punika tan wenten pikenohipun buat iraga sane mangkin, nanging buat katurunan sane pacang rauh, indike punika mula sawiakti mapikenoh. Iraga nenten dados ngutang sampah puniki yening nenten kaurus lan nenten kauratiang. Sampun kauningin makudang-kudang yowana ngwangun komunitas ring penanganan palemahan antuk jagat sane bebas saking sampah antuk ngelaksanayang kegiatan bersih-bersih tukad, bibih pasisi miwah palemahan tiosan. Kegiatan punika nénten ja wantah matetujon mangda palemahan druene bersih kemanten, nanging taler mangda iraga sadar ring tanggung jawab iraga majeng ring sampah ring sekitar iraga. Minakadi, Pandawa Grup sané kadiri antuk limang anak truna saking Bandung. Saking kawéntenan ipuné dados korban banjir punika ngawinang sekaa sekala puniki ngamolihang manah ipuné mangda tedun langsung ngresikin sampah sané wénten ring tukadé punika miwah aktivitas punika ipun sareng-sareng ring média sosial raris ngamolihang pujian saking masyarakat miwah madué dampak positif antuk ngajak samian krama mangda urati ring palemahan. Sakéwanten, nyiptaang palemahan sané bersih wantah tanggung jawab iraga sareng sami, utaminnyané kegiatan punika prasida iraga contoang miwah nerapang ring palemahan sané nampek mangda nénten wénten sampah miwah nénten ngawinang banjir taler ngrahayuang jagaté saking ancaman akumulasi sampah. Manut titiang, becik pisan yéning i raga sareng sami nguratiang palemahan antuk nyobyahang sampah ring genah sané pinih becik, inggih punika genah sampah sané pinih nampek ring genah sampah sané sampun kasediaang. Yening nenten wenten, simpen ring karung. Indayangja semeton ngayun-ngayunin indike puniki, tur elingangja, mungguing tanja wenten paindikan sane langgeng sane tan papuara. Boya ja wantah ring dewek iragane kewanten, nanging taler ring sakancan anake sane tiosan, sane sampun kalinggihang sajeroning kapracayan ring Ida Sang Hyang Widhi.

Category: high
Affiliation: Sma negeri 1 Susut
Age: 16-21

What do you think about this response?

Comments below!

Enable comment auto-refresher

Bagus88antara

4 hours 10 minutes ago

Votes 0

inggih kadi patut taler iraga madue kayun madue idep anggen ngayunin indik pikobet laluu sane pinaka meseh iraga sami, antuk nulad komunita-komunitas sane urati ring palemahan punika sapatutne para jana sami madue kasadaran indike mareresik ngawit palemahan paumahan, napi malih ring genah publik lan genah suci, pura-pura ageng sane nyabran wali punika pastika laluu wusan upacara makeh pisan, yening para pamedeke sampun madue pamineh lan urati tekening wawidangan pura pastika laluu punika kakutang utawi kabakta ke genah sane sampun kacumawisang, taler antuk prarem utawi awig anggen ngelingin para krama utawi pamedeke sane tangkil punika patut taler margiang mangda stata ngentenin para pamedeke sami.

Permalink | Reply

Anonymous user #1

3 hours 47 minutes ago

Votes 0 You

Patut pisan penampen sane sampun kawedar

Permalink | Reply