•
This is a Response to the Sampah Upacara wikithon
Ring galahè becik puniki titiang, nyarengin wimbakara makria penampèn, indik "Sapunapi Utsaha iraga sareng sami ngirangin luu ring sajeroning. Aktivitas Keagamaan Ngalestariang Alam, Ngajegang Dharma Ring sajeroning kauripan, agama dados pamargi sané suci. Sakéwanten, rikala ngamargiang upacara agama, akéh pisan wénten sampah sané kapolihang. Punika ngawinang pikobet ring palemahan. Mangda prasida ngalestariang palemahan, iraga patut ngirangin sampah ring upacara agama. Puniki prasida kamargiang antuk ngawigunayang sesajen sané prasida dados pupuk, ngawigunayang wadah sané prasida kaanggén malih, miwah ngawigunayang sesajen sané prasida kaajeng. Ngajegang alam, ngajegang dharma. Iraga patut ngelaksanayang upacara agama antuk tata cara sane lestari, mangda iraga prasida ngelaksanayang dharma tanpa ngrusak palemahan. Lianan ring punika, parajanane taler prasida mulat sarira antuk ngawigunayang bahan-bahan sane ramah lingkungan ring soang-soang pahan upacara. Minakadi nganggén daun utawi anyaman bambu pinaka gentos plastik rikala nganggén sanganan. Punika mawinan sampah sané kapolihang prasida gelis karusak olih alam. Patut taler nincapang kasadaran indik dampak lingkungan saking sahananing parilaksana sané kamargiang, rumasuk ngamargiang tradisi agama. Ngiring para yowanane sareng nglestariang punika mabuat pisan, mangda nilai-nilai nglestariang punika prasida nglantur saking generasi ka generasi. Punika mawinan, nyaga alam punika nénten ja wantah tanggung jawab, sakéwanten taler pinaka pahan saking swadharman rohani sané nyaga karahayuan ring pantaraning manusa, alam, miwah Sang Pencipta
- Category
- high
- Affiliation
- Siswa/SMA Negeri 1 Sawan
- Age
- 16-21
Enable comment auto-refresher