Suksma aturang titiang majeng ring Dinas Pendidikan Kepemudaan dan Olahraga Provinsi Bali sane sampun ngawentenang pacentokan Bali Berorasi puniki,naler Wikiton. Ring kawentenan sane becik puniki titiang jagi nyihnanyang angga,Wastan titiang Ni Kadek Mia Juniarti saking SMKN 1 Kuta Selatan ring kawentenan puniki jagi ngungayang indik kawentenang ring Masyarakat sane mamurda “ Punapi kawentenan Guru Wisesane ring Pemilu 2024?” Guru wisesa silih sinunggil pahan saking Catur Guru sane wenten ring Sastra Agama Hindune.Jangkep nyane Catur Guru kasobyahang wenten Guru Swadhyaya pinaka Ida Sang Hyang Widi Wasa, Guru Wisesa pinaka pemerintah, Guru Pengajian pinaka guru sekolah, lan kaping untat Guru Rupaka pinaka rerama.Ring galah puniki titian jagi maosang indik guru Wisesa.Napike Guru Wisesa wantah ngatur karamane manten?Cawisane pastikan nenten,liananken punika pamerintah patut ngemuhan masyaraktne,ngayahin masyakatne mangda adil miwah mirengang pikobet sane nibenin masyarakatne. Pikobet ring pamerintah nenten je asiki nanging akeh pisan silih sinunggil nyane kawentenan Pemilu.Pemilu akeh ngamedalang pikobet minakadi Politik Uang miwah Orti Hoax utawi Hate Speech ritatkala kampanye Kawentenan punika prasida katambakin mangda kawentenan pemilune mamargai antar manut ring tata aturan sane kacumawisang antuk kesadaran lan tanggung jawab sami Masyarakat indik kawentenan Pemilu .Nika krana yening cingak sane sampun liwat Pendidikan politik lan sosialisasi politik nenten mamargi sinarengan,kawentenan punika wantah dados tugas penyelenggara kemanten.Partai politik lan pemerintah patut menyarengin pakaryane punika.Iraga makasami naler nguratiang hak-hak konstitusi Masyarakat sumangdane kajaga tur ter akomodir ring Pemilu. Ngiring !! Sinamian suksesang Pemilu 2024 antuk nyagra saking daya-daya jele sane wenten saking Pemilu sane dumunan mangda pasida Pemilu warsa 2024 puniki mamargi antar. Inggih wantah asapunika ngenenin indik daging manah titiang manados Masyarakat,titian mapinunas napi sane kasobyahang prasida kapinehin tur karesepang olih para pemangku kebijakan minakadi guru wisesane sane madue wewenang tur kebijakan sumangdane kawentenan Gumi Baline ngangsan becik tur trepti. Sineb titiang antuk Parama Santih
Om Santih,Santih,Santih Om
Enable comment auto-refresher