OM SUASTIASTU Bapak ibu calon anggota DPD RI sane wangiang titiang, pare dewan juri lan panitia wikitom sane baktinin titian, miwah para sisia sami sane kusumayang lan tresnain titian. Angayu bagia pisan titiang polih ngemiletin pacetokan orasi puniki. Titiang uning ring pedewekan belog, jugul, apunggung tur pangkah milu-milu tuung. Meled manah titiang sareng ngerameang wimbakana orasi puniki, wastan titiang I Made Sunada. Tiang murid kelas XII SMALB Negeri 1 Tabanan
Nangun Kasamen Malarapang Antuk Bursa Kerja
Kramane sampun tata uning indik pikolih pakaryan majeng ring penyandang disabilitas kawentenyane kirang pisan. Maka sujati penyandang disabilitas punika madue pikolih sane pateh jatma sane non disabilitas. Sekadi sane munggah ring UU no 13 warsa 2003 ngeninin indik ketenaga kerjaan sane maosang inggih punika soang-soang jadma sane ngerereh pakaryan madue pikolih sane pateh ten dados ngamolihang diskriminasi. Indik punika kewewehin malih antuk UU no 8 warsa 2016 pasal 11 ngeninin indik hak kewirausahaan lan koperasi majeng ring penyandang disabilitas.
Yadiastun pemerintah sampun nabdabang indik pikolih utami hak-hak penyandang disabilitas nanging irage kantun Nerima diskriminasi saking pemberi kerja utawi semeton lianan ring tongos mekarya. Kirang nyane aksesibilitas sane dados kaangen ring penyandang disabilitas lan kirangnyane pelatihan sane kelaksanayang olih balai latihan kerja majeng ring titiang sami penyandang disabilitas. Makawinan galahe puniki titiang sami penyandang disabilitas ngarepang pemerintah presidayang nyiagayang flatform bursa kerja mangde presida akses titiang saking jaringan online, mangda dangen titiang ngerereh pakaryan manut sekadi kabisan sane gelahang titiang. Satiosang punika titiang sami ngarepang pemerintah ngancan sering ngelaksanayang pelatihan indik pekaryan mangdane titiang sareng sami madue kebisaan sane becik manut saking penunas bursa kerja. Titiang sareng sami penyandang disabilitas taler medue pikolih mangda presida pada ring sajeroning bursa kerja mangde presida madue setata sane ngawinang gemuh ring sejeroning kauripang.
Inggih asapunika atur titiang ngindikang nangun kesamen malarapang antuk bursa kerja, maka kirang langkung lan manawi wenten tan manut ring arsa titiang nunas geng rena sinampura. Pinaka penguntat atur titiang antuk paramasanti Om Shanti Shanti Santhi Om
Enable comment auto-refresher