Property:Place information text ban
From BASAbaliWiki
J
Magenah 19 kilometer saking Kota Amlapura (ibu kota kabpaten), 12 km saking Tulamben, 33 km sakng genah wisata Candi Dasa miwah sawatara 78 km saking Denpasar. Jemeluk inggih punika silih tunggil genah wisata segara sane ngulangunin. +
Jimbaran inggih punika desa bendega miwah pasisi ring sisi kelod Kuta, Bali, Indonesia. Teluk Jimbaran madue pasisi panjang miwah toya sane nlegdeg. Ring muncuk sisi kaler, akeh wenten jukung mawarna-warni makta ulam sane kaadol ring Peken Kedonganan. Ring sisi kelod-kauh teluk inggih punika Pasisi Dreamland miwah Pasisi Balangan, kaloktah antuk ombak sane becik anggen maselancar. +
K
Titiang pinaka generasi milenial sadia ngwangun désa malarapan antuk BASAbali Wikithon Partisipasi Publik #5: Ngawangun Désa. Ngiring becikang kabel-kabele di Gumi Petitenget, gumi pariwisata
Om Swastyastu
Rahajeng tengai, jani tiang lakar ngorahang unduk gumin tiang ne jani kabaos gumi pariwisata. Gumin tiang saja luung jani buin misi kasub ka dura negara wiadin jani ada pandemi ane ngae grubug nanging astungkara jani suba ada tamu ane teka malali. Boya tiang tusing matur suksma antuk kewentenan gumin tiang ane suba kasub. Nanging ne jani kasatuayang di gumin tiang unduk kabel-kabel ane pada paslengkat, pajalan ngwangun saluring piranti fasilitas ngancan maduduk masih kabel di duur jalane, nglintangin nglangkungin bek kabelne ngae jele tongosne, dadine tiang dot pesan nunas apang prejuru desane negesin unduk kabel ane sayan maduduk di duur gumin tiange. +
Kamasan utawi "Ka-emas-an" inggih punika kruna sane kocap lingsir yening kapireng oleih para Pande Mas, anut ring wastan silh tunggil banjar ring desa Kamasan. Bukit sane wenten drika kadagingin antuk tahta-tahta batu, arca menhir, lesung batu, palungan batu, monolit sane mawangun slinder, bau dakon, rurung sane kalapisin antuk bau tukad sane katemuang warsa 1976 miwah 1977, sane lumrah ring desa-desa Kamasan makacihna desa punika pinaka desa sane sampun lingsir. +
Karangasem inggih unika silih tunggil kabupaten ring Provinsi Bali sane magenah ring sisi kangin pulo Bali. Kabupaten Karangasem kawangun antuk sejarah sane lantang saking kerajaan sane nemu jaya selanturnyane mrasidayang nyimbarang genah kerajaan kantos ka Buleleng, Jembrana miwah Lombok. Mangkin dados Kabupaten sane madue budaya miwah adat sane akeh.
Kawentenan Karangasem kaiketang sareng genah sane kawastanin Adri Karang olih "Prasasti Sading C" (Goris, 1954). Ring prasasti punika kawedar indik ring sisin kangin Baline sampun ngadeg giri sane tegehnyane nyujuh langit tur kawastanin Adri Karang (Giri Karang). Ibukota Kabupaten Karangasem inggih punika Amlapura sane magenah ± 84 km saking ibu kota Provinsi Bali (Denpasar). Wastan kota Amlapura pamuputyane karesmiang dados Ibu Kota Kabupaten Karangasem saking Kaputusan Mendagri Nomor 284, tanggal 28 Nopember 1970.
Sane nguni, wewidangan Kabupaten Karangasem nenten doh malenan sareng wewidangan kerajaan Karangasem. Ring jaman kerajaan Karangasem kantos warsa 1908, wewidangannyane (mencakup) 21 pahpahan,minakadi Karangasem, Seraya, Bugbug, Ababi, Abang, Culik, Kubu, Tianyar, Pesedahan, Manggis, Antiga, Ulakan, Bebandem, Sibetan, Pesangkan, Selat, Muncan, Rendang, Besakih, Sidemen, miwah Talibeng. Mangkin Kabupaten Karangasem madue 8 kecamatan inggih punika Abang, Bebandem, Karangasem, Kubu, Manggis, Rendang, Sidemen, miwah Selat, wenten 78 desa/kelurahan (75 desa miwah 3 kelurahan), 532 banjar dinas, 52 lingkungan. Yening nganutin adat, Kabupaten Karangasem kakepah dados 189 desa adat sane medue 605 banjar adat. Wewidangan Kabupaten Karangasem kewatesin antuk Laut Jawa ring sisi kaler, Samudera Indonesiaring sisi kelod, Kabupaten Klungkun, Bangli, Buleleng ring sisi kauh, taler Selat Lombok ring sisi kangin. Makudang-kudang simbol sane dados cihnan Kabupaten Karangasem inggih punika Gunung Agung dan Pura Besakih. +
Genah tetamian budaya Jalan Gajah Mada Denpasar inggih punika papindayan saking kota Denpasar sane lingsir rahinane mangkin. Genah puniki kadasarin antuk wangunan-wangunan lingsir sane kadadosang toko. Toko-toko sane majajar ring Jalan Gajah Mada puniki ngwedar indik genah punika dados genah matetumbasan pinih ageng ing kota Denpasar kantos mangkin. Makasami pralambang alikan kota Denpasar pinaka ibukota Provinsi Bali sida kauningin ring genah puniki. Ngawit saking pangenten kota Denpasar, hotel kapertama, miwah pulah-palih ekonomi masarakat. +
Om swastyastu semeton
Rahina sane mangkin titiang jagi ngajak semeton sami nyingakin kebun kopi ring Desa Bale Timbang,Kecamatan Pupuan,Kabupaten Tabanan.
Desa Bale Timbang inggih punika Desa sane magenah ring kecamatan Pupuan, bagian Tabanan barat
Desa puniki becik pisan, sawireh pemandangan ring desa puniki becik pisan, desa puniki wenten potensi dados desa wisata riantukan keasrian alam nyane.
Nanging akses masuk ka desa puniki nenten becik saantukan penerangan tur marginyane sane nenten becik. Masyarakat ring desa puniki mayoritasnyane dado petani, khususnyane petani kopi.
Harapan titiang ring pemerintah mangda mraptiang desa puniki.
1.Margi kabenahin olih pemerintah apang aktivitas perekonomian ring desa puniki gampang
2.Pemerintah ngwangun klompok tani apang wenten pemberdayaan masyarakat lan meningkatkan hasil panen kopi.
Inggih asapunika video titiang ring desa bale timbang ,dumogi video puniki dados titi utawi margi antuk kemajuan ring desa puniki
Om santhi, santhi, santhii, om
Suksma +
Kebun Raya Bali utawi Kebun Raya Eka Karya Bali magenah ring wewidangan cangkrama Bedugul, desa Candikuning, Kecamatan Baturiti, Kabupaten Tabanan – manawi wenten 60 km saking kota Denpasar. Kebun Raya Bali taler kebaos Kebun Raya Bedugul. Kebun Raya puniki inggih punika taman botani tropis sane jimbar miwah ageng ring Bali. Pangelolanyane kalaksanayang olih Lembaga Ilmu Pengetahuan Indonesia (LIPI) miwah yening nganutin struktur organisasi, wenten ring sor pembinaan Pusat Konservasi Tumbuhan Kebun Raya Bogor. Pekaryan kebun raya Bali karesmiang olih Prof. Ir. Kusnoto Setyodiwiryo pinaka presiden saking Badan Pusat Penelitian Lingkungan duk tanggal 15 Juli 1959 sane linggahnyane 50 ha, sakewanten mangkin kebun raya sampun kalinggahang malih dados 157,5 ha. Wastan kebun raya “Eka Karya” kausulang olih I Made Taman pinaka Kepala Badan Konservasi Lingkungan dan Pelestarian. “Eka” suksmannyane siki miwah “Karya” suksmannyane sarin pekaryan. Kebun Raya Eka Karya kasuksmayang dados kebun raya kapertama sane marupa sarin pakaryan bangsa Indonesia wusan merdeka.
Kebun raya puniki kanggen antuk ngumpulang gymnosperma (tetanduran madon jaum) saking sekancan gumi. Lianan asapunika, akehan saking 2000 spesies tetanduran sane kawetang ring kebun raya Bali – silih sinunggilnyane tetanduran saking genah pegunungan Indonesia Timur, minakadi Bali, Nusa Tenggara, Sulawesi, Maluku miwah Papua. Wenten tetanduran sane magenah ring kebun raya Bali minakadi: anggrek, tetanduran paku miwah lumut, Begonia, belatung, tetanduran usada, tetanduran toya, tiing, Rhododendron, Araceae, Harbarium miwah 79 ekor spesies paksi sane idup bebas ring wewengkon kebun raya puniki. Kebun Raya Bali inggih punika genah sane unik ring Bali sane ngencepang penelitian botani, palestarian tetanduran utawi konservasi, edukasi miwah genah wisata sane anut pisan anggen nyingakin keasrian jagate, nyingakin tetanduran hutan hujan tropis miwah kahuripan paksinyane sinambi melajahin napi suksman utawi kawigunan tetanduran punika majeng ring masarakat makasami.
http://www.kebunrayabali.com/
Kebun Raya Jagatnatha karesmiang duk tanggal 5 Desember 2019, sane magenah ring Kelurahan Dauhwaru, Kecamatan Jembrana, Kabupaten Jembrana. Genah puniki dohnyane 94,9 km saking Denpasar, utawi sawatara 2 jam 40 menit yening jagi nuju genahe puniki saking Denpasar. Kebun Raya Jagatnatha madue tetiga tema koleksi, inggih punika: upakara, tetanduran lokal sane unik ring Jembrana miwah usada. Ring wewidangan sane jimbarnyane 5,8 hektar, mangkin Kebun Raya Jagatnatha sampun katandurin antuk 428 spesimen, luire 84 nomer koleksi, 48 suku, 103 marga miwah 124 jenis. +
Sanur inggih punika silih tunggil wewidangan wisata sane pinih wreda ring Bali. Duk warsa 1957, kawangun hotel kapertama ring Desa Sanur sane mawasta Hotel Sindhu Beach, nglantur kawangun Hotel Bali Beach sane dados kaanggen ngawit warsa 1966. Sanur mawit saking kalih kruna, "Saha" miwah "Nuhur" sane mateges ngaptiang mangda polih malancaran. Saking kruna punika, kasuen-suen kaucap dados Sanur. Sanur sampun kasurat dados silih tunggil genah sane pinih wreda ring prasasti Bali warsa 917 Masehi. Wewidangan Sanur sane riin luire: Desa Sanur Kaja, Desa Sanur Kauh, Kelurahan Sanur, miwah Kelurahan Renon.
Kelurahan Sanur magenah ring wewengkon Desa Pakraman Intaran miwah kadagingin olih 9 banjar, inggih punika:
1. Banjar Singgi,
2. Banjar Panti,
3. Banjar Gulingan,
4. Banjar Taman,
5. Banjar Sindu Kaja,
6. Banjar Sindu Kelod,
7. Banjar Batujimbar,
8. Banjar Semawang,
9. Lingkungan Pasekuta.
Kelurahan Sanur magenah ring Kecamatan Denpasar Selatan, Kota Denpasar. Ring sisi kaler mawates antuk Desa Sanur Kaja, ring sisi kangin mawates antuk Laut Bali, ring sisi kelod mawates antuk Selat Badung/Samudera Indonesia, ring sisi kauh mawates antuk Desa Sanur Kauh. +
Kecamatan ring Kabupaten Bangli ngalingkupin makasami enceban Gunung Batur miwah sawawengkonnyane. Kasub antuk juuk kintamani, danu, kalebutan toya panes, miwah situs arkeologi pulina. +
Titiang pinaka generasi milenial sadia ngwangun désa malarapan antuk BASAbali Wikithon Partisipasi Publik #5: Ngawangun Désa. Ngiring cingakin indik desan titiangé puniki.
Kondisi wilayah sekitar ane kuang becik.
basabaliwiki.org
@wikibasabali
@pasikianyowana.bali
@mamedwedanta
#basabaliwiki #wikithon #partisipasipublik #wikithonpartisipasipublik #ngwangundesa #membangundesa #milenialberaksi +
Titiang Gung diva pinaka generasi milenial sadia ngwangun desa malarapan antuk BASAbali wikithon.
Sane mangkin titiang jagi membahas silih sinunggil desa inggih punika desa Tambahan sane magenah ring kabupaten bangli.
Ring desa tambahan, Wenten Kuliner sane becik pisan rasane. Kuliner punike mewaste Mujair Nyat Nyat. Kuliner tradisional puniki mabahan dasar ngangge ulam mujair sane magoreng setengah mateng raris dagingin bumbu basa genep. Bumbu basa genep inggih punika Bumbu khas bali sane mawit saking bawang merah, bawang putih, jahe kunyit,cekuh, isen, tabia, wangen lan tingkih
Mujair nyat nyat AKEH kasenengin OLIH wisatawan domestik miwah mancanegara. Nike mawinan kuliner puniki kaadol ring rumah makan sane Wenten ring daerah Bangli. +
Pasisi Kuta Bali dados genah malancaran para turis dura negara sane kadagingin antuk fasilitas umum sakadi hotel, bar, restoran, klub malam, toko suvenir, genah matumbasan, genah lila cita miwah sane lianan. Pasisi puniki becik pisan angge genah maplalianan sareng kulawarga, nglangi, miwah berselancar.
Pasisi puniki madue ombak sane becik angge maselancar olih anak sane wau malajah maselancar taler anak sane sampun waged amselancar. Kalanguan pasisi Kuta Bali kajangkepin antuk saka mata ri kala suryane engseb ngawinang manah para turise ulangun.
Pasisi Kuta Bali magenah ring pusat pariwisata Bali sane dangan pisan katuju saking dija manten miwah nampek sareng genah selancar sane kaloktah sakadi Airport Reef, Kuta Reef, Pasisi Legian Bali, miwah Pasisi Seminyak Bali. Genah puniki taler nampek sareng genah malancaran lianan sane sering karauhin olih para turise.
(https://disparda.baliprov.go.id/sunset-in-kuta-beach/2020/04/) +
L
Desa Lokasari inggih punika silih tunggil desa sane wenten ring wewidanhan Kecamatan Sidemen, Kabupaten Karangasem, Bali. Sane umum, pemerintahan utawi kelembagaan ring Desa Lokasari pateh sakadi desa-desa lianna ring Indonesia, binannyane wantah kawentennan lembaga adat sane kaprecaya olih krama miwah pemerintah daerah. Kapurwan Desa Lokasari inggih punika pemekaran saking Desa Talibeng sane wewidangannyane jimbar miwah kramannyane sane akeh. Malarapan antuk paruman ring pantaraning pemerintah Desa Talibeng miwah Lembaga Musyawarah Desa (LMD) sane salanturnyane dados Badan Perwakilan Desa (BPD) miwah Lembaga Ketahanan Masyarakat Desa (LKMD) tur para pamucuk krama desa sampun molihang papiguman, mutusang miwah nyumponin Pemekaran Desa Talibeng Tahun 1999 dados: 1. Desa Talibeng Induk 2. Desa Persiapan Tri Eka Buana 3. Desa Persiapan Kerta Buana 4. Desa Persiapan Lokasari. Punika ngawinang rahinane mangkin wewidangan Desa Lokasari kapah dados 6 banjar, luire: 1. Banjar Sukahat 2. Banjar Kebon 3. Banjar Lebu Babakan 4. Banjar Lebu Anyar 5. Banjar Lebu Gede 6. Banjar Lebu Bungbungan. +
Magenah ring margi utama Ubud sane ramya (margi agung), ring pantaraning Puri Ubud miwah Museum Puri Lukisan, Cafe Lotus sampun dados institusi duk kabungkah warsa 1983. Kawentenan kota sane minab sampun akeh mauwah sakewanten tradisi ajer olih krama Bali sampun kakukuhang.
Sampun 37 warsa pungkuran, restoran puniki karauhin olih tamiu sajebag jagat; wenten makudang-kudang tamiu sane malangganan. Puniki wantah lelaguan sane kaajinin miwah dados swadarma olih staff. +
Pasisi Lovina magenah sawatara 9 km ring sisi kauh Kota Singaraja. Wenten prabea sane patut kataur yening jagi nyingakin lumba-lumba ring pasisi Lovina, inggih punika sane daa naur Rp. 100.000,- miwah sane alit naur Rp. 50.000,-. Yening wenten sane arsa menyelam utawi snorkeling, kangkat naur Rp. 100.000,-/orang +
Desa Kamasan magenah ring Kecamatan Klungkung, Kabupaten Klungkung, Bali. Ring desa puniki wenten karya seni sane marupa lukisan wayang khas Kamasan. +
M
Desa Manggis magenah ring Kecamatan Manggis Kabupaten Karangasem, pinaka silih tunggil saking 12 desa sane wenten irika. Desa Manggis dados desa sane ngaryanang miwah ngadol Virgin Coconut Oil (VCO) santukan kawentenan punyan nyuh sane akeh ring desa punika. Silih tunggil genah wisata gerobogan sane utama ring Desa Manggis wantah Gerobogan Manggis. Gerobogan Manggis sane magenah ring Dusun Pagubugan puniki madue kalanguan sane nenten ja kaonan saking gerobogan sane lianan. Margi nuju gerobogan puniki mawastu sukil, utamannyane ring anak sane seneng sareng alam, seneng nglaksanayang trekking utawi maplesiran ring wewidangan gerobogan. +
