Property:Place information text ban
From BASAbaliWiki
P
Pura Kedaton utawi sane ketah kabaos Pura Alas Kedaton magenah ring Desa Kukuh, Kecamatan Marga, Kabupaten Tabanan. Pura puniki pinaka silih tunggil pua kahyangan jagat. +
Pura Kedaton atau Pura Alas Kedaton magenah ring Desa Kukuh, Kecamatan Marga, Kabupaten Tabanan. +
Pura puniki magenah ring Desa Adat Angantelu, Kecamatan Manggis, Kabupaten Karangasem. Pura puniki magenah sawatara 60km nuju kangin saking Denpasar, utawi 20km ring sisi kangin Kota Semarapura-Ibu Kota Kabupaten Klungkung. Wenten asiki prasasti sane magenah ring Pura Panyimpenan Pura Luhur Andakasa, sakewanten ring prasasti punika nenten kasurat indik kawentenna pura puniki. Sakadi sane sampun munggah ring makudang-kudang lontar, Pura Luhur Andakasa dados silih tunggil pura Kahyangan Jagat, taler Sad Kahyangan. +
Pura Bukit Kursi magenah ring luhur bukit, sawatara 800mdpl. Pura Bukit Kursi magenah ring bukit pinaka wates pantaraning Banjar Kembang Sari miwah Banjar Pala Sari, Desa Pakraman Pemuteran, Kecamatan Gerokgak, Buleleng. Sadurung nuju Pura Batu Kursi, para pamedek patut tangkil dumun ring Pura Pemuteran. +
Pura puniki magenah ring Banjar Kangin, desa Ungasan, Kecamatan Kuta Selatan, Kabupaten Badung. Genah pura puniki ring abing gooke, gook punika wenten sawatara 10 meter, punika ngawinang patut pisan menekin tangga.
Patut kauningin taler, ring genah puniki akeh pisan wenten wenara sane nglincak. Pura Dalem Batu Pageh sida katuju sawatara 50 menit saking Denpasar. Ring sor pura, wenten objek wisata mawasta Pasisi Batu Pageh utawi Pantai Green Bowl. Pasisi punika taler kawastanin Pantai Bali Cliff, inggih punika silih tunggil genah wisata pasisi ring wewidangan pariwisata Bali Selatan. +
Saking buku Bali Atlas Kebudayaan sane medal duk warsa 1953 olih pemerintah Republik Indonesia. +
Manut ring lontar Dwijendra Tattwa, inggih punika satua kapurwan Dang Hyang Nirartha. Kocap manut baos kramane, pura-pura Dang Kahyangan kawangun santukan arah-arah saking Dang Hyang Nirartha utawi katangiang olih para putra miwah potrakan ida. Wenten 34 pura sane kawangun santukan madasar antuk dharmayatra Dang Hyang Nirartha. Silih tunggilnyane Pura Batulepang utawi Pura Penataran Batu Lepang ring Kamasan, Klungkung. +
Pura Beji magenah ring Desa Sangsit, Kecamatan Sawan sawatara 8km nuju kangin saking Kota Singaraja. Genah puniki sampun dados silih tunggil wisata budaya ring wewidangan Buleleng Kangin miwah wantah nelasang galah sawatara 10 menit yening saking Kota SIngaraja. Pura Beji madue wewidangan sane jimbarnyane 2500m², panjangnyane 100m, lebarnyane 25m. Pura puniki magenah ring tanah manpan, nenten doh saking pasisi, taler wenten carik ring sisin purane, punika ngawinang genah punika sayan luih. Wangunan Pura Beji nganggen arsitektur khas Buleleng marep sisi kauh. +
Madue 11 pancoran (pancoran solas) sane saka siki tegehnyane sawatara 1 meter. Embahan toyane medal saking pancoran sane mawangun cangkem naga. Wenten 6 pancoran marep kelod miwah 5 pancoran marep kauh. Pura Beji Saraswati magenah ring Banjar Babakan, Desa Adat Gulingan, Kecamatan Mengwi, Kabupaten Badung. Yening jagi tangkil tur malukat, sanistane patut makta kalih pejati miwah makudang-kudang canang sari. Kapertama, patut mersihin angga ring jaba pura sane nampek ring embahan tukad, i riki wenten kalih pancoran, raris nuju ring madya mandala nglaksanayang pamuspan miwah panglukatan ring Pancoran Solas (11 pancoran) Beji Saraswati. Pamuspan pinih untat ring utama mandala pura. +
Blanjong mawit saking kruna "Belahan" sane mateges bebencahan miwah "Ngenjung" sane mateges pedau para bendega. Pura Blanjong magenah ring Jalan Danau Poso, Sanur, Kota Denpasar. Ring genah punika taler madue prasasti sane wastannyane pateh, pinaka tetamian rau Sri Kesari Warmadewa miwah sampun kakukuhang duk warsa 835 Saka. Prasati sane tegehnyane 195 cm tur madue diameter 60 cm puniki nyritayang indik pamargin Sri Kesari Warmadewa ka Gurun miwah Suwal. Tugu puniki mawangun silinder, nganggen basa Bali Kuno tur kasurat antuk aksara Pra-Negari miwah Basa Sansekerta sane kasurat antuk aksara Kawi. Ring pura puniki taler wenten Arca Ganesa, kakalih lingga marupa sampurna. Wenten taler candi sane madue tetiga pahan, inggih punika cokor, angga miwah pucak. Candi puniki kasusun antuk bata miwah batu padas, taler arca lembu/Nandini. +
Pura Campuhan magenah ring tepining pasisi, santukan campuhan mateges campuran. Sane macampur wantah toyan tukad miwah toyan segara. Pura Campuhan Windhu Segara puniki kari anyar, pura puniki kakawitin saking carita sang ekajati mapesengan Jro Mangku Gde Alit Adnyana. Pura Campuhan Windhu Segara kawangun duk tanggal 7 Juli 2005 olih Mahaguru Altreya Narayana sapisanan dados pangawit, miwah karesmiang tanggal 9 September 2016 olih Gubernur Bali, I Made Mangku Pastika taler kauningin olih Ida Dalem Semaraputra pinaka wakil saking Puri Klungkung.
Wenten makudang-kudang sarana ane kaperluang ri kala jagi nglaksanayang pamuspan miwah panglukatan ring Pura Campuhan Windhu Segara. Sane kapertama wantah banten pejati, paling akidik asiki pejati ring genah panglukatan Ida Bhatara Wisnu miwah asiki bungkak nyuh gading. Yening wenten pejati lebih (utawi canang sari) kaur ring genah panglukatan salanturnyane inggih punika Pura Beji miwah penataran utama pura.
Yening jagi nuju ka genah puniki dangan pisan. Saking pempatan margi agung By Pass Ngurah Rai Sanur- Waribang, ragane nuju margi Padang Galak (genah Taman Bali Festival sane dumun), kantos ka muncuk jalan kantos nemu pasisi Padang Galak Sanur, sane kantun dados wewidangan desa Kesiman, Denpasar Timur. Saking pasisi puniki nuju ka margi ring kebot, sawatara 300 meter ragane sampun rauh ring genah sane katuju. Ring wewidagan puniki wenten 3 kompleks pura. Sane kapertama inggih punika Pura Segara Taman Ayung, Pura Campuhan Windhu Segara miwah Palinggih Ratu Niang ring sisi kauh. +
Pura Dalem Balingkang sane magenah ring Desa Pinggan, Kecamatan Kintamani, Kabupaten Bangli. Yening jagi nuju pura puniki, dados ngentasin margi ageng Bangli-Singaraja. Ri sampune rauh ring Pura Penulisan, Desa Sukawana, ring sisi kangin Pura Penulisan wenten margi ane nuju Desa Pinggan, sesampune mamargi 10 km. Manut ring legenda, kabaos kocap Situs Pura Dalem Balingkang inggih punika keraton ri kala Raja Jayapangus ngadeg dados ratu. Utamanin keraton magenah ring Desa Sukawana, inggh punika nampek ring bukit Panerajon (Penulisan). +
Pura Dalem Pangembak magenah ring margi Pangembak, pasisi Mertasari, Sanur. Genah puniki danganan yening nglintasin margi By Pass I Gusti Ngurah Rai. Lianan saking genah malukat miwah genah matamba, sampun ketah kapercaya genah piniki sida nincapang utsaha. +
Pura Dalem Pingit Sebatu magenah ring Banjar Sebatu, Desa Sebatu, Kecamatan Tegallalang, Gianyar, Bali. Ring genah puniki wenten gerobogan suci sane kawastanin Pasiraman Sebatu.
Genah puniki kacingak pinih pertama ring tanggal 19 November 2007 olih tamiu dura negara sane meled jagi muktiang kalanguan palemahan silib ring Desa Sebatu. Kasarengin olih pemandu (guide), ipun rauh ring gerobogan sane nenten ja tegeh pisan miwah embahan toya sane ening pisan .
Genah puniki sawatara 45 menit saking Kota Denpasar. Angin sane tis miwah sakamata abing, carik, ala miwah gunung ngawinang genah punika karasayang pingit.
Gerobogan ring wewidangan pura puniki kaprecaya prasida nglebur teluh utawi ajian pangiwa sane sampun nyusup ring angga i manusa. Yening jagi nuju gerobogan puniki, krama patut ngetut undagan sane nyrogjog nuju dasar abing, genah tukade membah. +
Pura Dalem lumrahnyane mapaiketan sareng genah anggen ngaturang sembah bakti ring Dewa Siwa. Kruna 'Dalem' mateges doh utawi meweh karereh. Genah Pura Dalem kapah dados kalih inggih punika jabaan miwah jeroan. +
Pura puniki kawastanin Pura Desa santukan lumrahnyane magenah ring tengahing desa, inggih punika ring silih tunggil bucu catuspata (pempatan agung). Pura Desa pinaka genah utama nglaksanayang upakara indik desa sakadi Ngusaba Desa, pasamuhan betara ri sampune nglaksanayang upacara melis sadurung Panyepian. Makudang-kudang genah ring Bali, wenten sane maosang wastan Pura Desa dados Pura Bale Agung. Wasta puniki minab medal saking wastan wangunan Bale Agung sane magenah ring jaba tengah pura punika. +
Pura Erjeruk kawastanin pinaka Pura Dang Kahyangan santukan ring pura puniki wenten Menjangan Saluwang genah ngaturang bakti ring ida maraga suci Mpu Kuturan, miwah wenten Meru Tumpang Tiga genah ngaturang bakti ring Dang Hyang Nirartha. +
Pura Gaduh inggih punika pahan saking Pura Kahyangan Jagat ring wewidangan irika. Wenten makudang-kudang pura lianan sane nyarengin makadi Gedong Puseh, Kuru Baya miwah Pura Batur Sari. Genah Pura Gaduh puniki ring natah sisi kauh Pura Puseh miwah ring sisi kangin Kuru Bayu. +
Titiang pinaka generasi milenial sadia ngwangun désa malarapan antuk BASAbali Wikithon Partisipasi Publik #5: Ngawangun Désa. Ngiring cingakin genah potensial Pura Goa Keraban Langit Desa Sading, Mengwi, Badung niki.
Rahajeng semeng semeton🌞🌸
Ngiring simpang ke Desa adat Sading lan tangkil ke Pura Goa Keraban Langit. Ring Purane punika wenten akeh undagan nuju genah pancoran panglukatan lan genah pamuspan.
Yening semeton nenten uning genah purane punika, semeton dados ngerereh ring google maps. Semeton yening jagi tangkil meriki patut makta Pejati, bungkak, lan canang. genah penglukatan niki asri miwah becik. Sakewanten genah parkire cupit pisan. Minab ring pungkuran titiang nunas mangda pangempon genah panglukatan iriki sida ngaryanang genah parkir anyar sane jimbar. Yening semeton wenten galah ngiring melukat ring Pura Goa Keraban Langit Puniki. +
Genah malukat ring Jimbaran, Bali puniki ketah kabaos Pura Tunjung Mekar utawi Goa Peteng Alam. Sekadi wastannyane, yening jagi nuju genahe puniki patut mamargi kateben nuutin dasaan undagan mangda rauh ring dasar goa. Punika mawinan, genah ring dasar goa yukti-yukti dedet, yadiastun ragane rauh ri kala tengai. Dadosnyane, ragane patut makta lampu utawi senter. Ring ungkur pura, wenten kali goa. Kapertama, goa nuju ka sisi kaler, dalemnyane 250 meter. Kaping kalih, goa sane nuju sisi kelod, dalemnyane 300 meter. Sakewanten sane kaanggen genah malukat wantah goa sane nuju ka sisi kaler.
Malukat ring Pura Goa Peteng kaprecaya olih para kramane sida nambanin sajeroning sungkan utawi ngicalang mala ring ragan i manusa. Dudonan nglaksanayang panglukatan ring Pura Goa Peteng Tanjung Mekar kakawitin antuk ngaturang canang ring parerepan suci pamangku sane wenten ring jeron dane. Salanturnyane, nuju ka pura matur piuning. Ri sampune punika, kalanturang antuk malukat ring goa sane wenten ring sisi kaler sane kakawitin antuk ngaturang canang tur nguncarang napi sane jagi katunas dumun. +
