Nreptiang Luu ring Pura Saking Dewek Soang-soang
This is a Response to the Sampah Upacara wikithon
OM Swastyastu Ida dane sareng sami, iraga sareng sami pastika sampun uning, tat kala wenten rarahinan utawi upakara ring pura-pura, luu sane kamedalang akeh pisan. Kaketus saking Jurnal Ecocentrism-UNMAS, ring pura Besakih tat kala wenten upakara, ngamedalang 46,71 m3 a-rahina. Luu-luu punika pekantenannyane nenten kagenahang ring genah luu sane sampun kawentenang olih pangempon pura. Kawentenanne sane baduur ngawinang pura sane sapatutnyane genah sane suci dadosne kacingak nenten resik. Sepatutne irage sareng sami eling, mangda nenten ngenahang luu sakita-kita. Tiosan punika, krama pamedek sapatutne mangda nenten nyagerang angga pangayah ring pura punika, dwaning sane pinih utama punika pikenoh iraga sareng sami. Iraga puniki sepatutne eling mangda trepti ngenahang luu saking piranti upakara. Tiosan ring punika, sepatutne angga pangempon pura mangda madrue program anggen mecikang luu-luu punika, napike kaanggen pupuk kompos utawi eco-enzym. Luu tiosan sane anorganik mangdane prasida dados kaanggen kerajinan tangan utawi sane lianan. OM Shanti, Shanti, Shanti OM
- Category
- high
- Affiliation
- Age
- 16-21
Enable comment auto-refresher