Shameless Smoky Mouth

Title (Other local language)

Photograph by

Author(s)

Eka Werdi Putra

Reference for photograph

Ilustrator: Eka Werdi

Subject(s)

roko
lanjaran
pongah
andus
perokok pasif

Reference

Related Places

Event

Related scholarly work

Reference

Enable comment auto-refresher

Description

In English

⏤

In Balinese

Napi ke Ida Dane wenten sane nglanjar? Lanjaran utawi roko sampun ketah saking nguni kaanggen paisengan, ri kala ngwedang, utawi panganget raga. Yening manut seselehan ilmiah utawi penelitian, nglanjar sujatine sampun janten ngawinang makudang-kudang panyungkan. Dong tegarang ja pikayunin, andus bakat celepang ka parune, pastika sampun madaging karbon monoksida miwah zat sane ngawinang baya kesehatan siosan. Durung malih wenten zat adiktif sane muduhin, jeg sakadi tan wadih-wadih. Abongkos sarahina minab kantun kirang. Kantos wangde ngajeng, jinahe katumbasang lanjaran.

Mangda sapih, nenten ja jelek-jelekne kemanten sane pacang kasobiahang driki. Kocap wenten taler kawigunan lanjarane punika. Duaning nglanjar kasengguh prasida ngawinang rasa degdeg utawi tenang, ngamedalang inspirasi, ngicalang sakit duur miwah sane lianan. Sane paling soleh, wenten taler sane maosang, yening semengan durung keni wedang miwah lanjaran, jeg ten nyidaang mabacin kocap. Dong saja napi nenten, patut selehin malih. Wenten taler kapanggih tradisi ring Bali sane nyumawisang lanjaran ri kala wenten upacara agama majeng ring para uleman utawi pangayah. Indike punika sakadi sampun lumbrah. Minab yening nenten wenten lanjaran, manados orti ring jaba yening karyane dahat nista. Nggih, punapiang malih, yening sampun kadung seneng nglanjar, durusang.

Sakewanten, sampunang lali nyingakin kiwa tengen. Dong jantenang ring dija genahe, napike anake sane lianan nglanjar, tur napike andusne nglahlahin. Yadiastun anake tiosan seneng nglanjar, durung janten seneng ngirup andus druene. Pinunas titiang, jeg johang ragane yening kayun nglanjar. Sampunang pongah keplas-keplus nglahlahin baya. Nenten ja sami anake seneng teken andus. Wenten taler alit-alit utawi anak istri, bilih-bilih sane mobot. Baya pisan yening iraga dados perokok pasif. Bon anduse jelek, taler ngawinang sakit. Duaning punika, becikang ngrereh genah nglanjar. Indike puniki sujatine sampun munggah ring pasal 199 UU No. 36 Tahun 2009. Wenten danda majeng ring sang sane nglanjar ring genah umum. Cutetne, titiang nenten ja nombang, sakewanten sampunang nglahlahin baya kesehatan majeng anak siosan

In Indonesian

Apakah anda perokok? Rokok atau udud sudah dikenal sejak dahulu sebagai ‘cemilan asap’, teman kopi, hingga penghangat badan. Menurut penelitian, sebenarnya sudah jelas bahwa rokok dapat menyebabkan berbagai macam penyakit. Coba anda bayangkan, asap kok dimasukkan ke dalam paru-paru? Sudah jelas-jelas mengandung karbon monoksida dan zat berbahaya lainnya. Terlebih lagi, ada zat adiktif yang membuat kecanduan. Dua bungkus pun bisa tak cukup untuk sehari. Bahkan ada yang lebih memilih kekurangan makan daripada tidak merokok. Agar lebih adil, tidak hanya keburukan rokok yang perlu disampaikan. Konon katanya, rokok ada juga manfaatnya. Ada yang bilang rokok membuat kita tenang, lupa akan masalah, pemantik inspirasi, menghilangkan sakit kepala, dan lain sebagainya. Konyolnya lagi, ada yang bilang tidak bisa ‘boker’ (baca: BAB) kalau pagi hari belum menikmati paket kopi dan rokok. Entah benar atau tidak, mungkin perlu diteliti lebih lanjut. Ada juga sebuah kebiasaan saat menggelar upacara agama di Bali yang menyediakan rokok sebagai sajian untuk tamu dan ‘pangayah’ (warga yang membantu acara). Hal ini seolah-olah menjadi lumbrah. Barangkali akan menjadi gosip tidak sedap bahwa acara kita begitu nista jika tidak menyediakannya. Yah, bagaimana lagi,