take care of yourself first

This is a Response to the Sampah Upacara wikithon

Ritatkala iraga muspa ring pura pastika ngutamaang penampilan, boya ja karesikan purane. Pamedek sane tangkil mapangangge sane mael, tur ngulangunin, punika sane sering kacingak ring pura. Napi malih yening wenten piodalan ring pura-pura ageng ring bali umpami Pura Besakih lan Pura Batur, pastika pamedek sane tangkil mapangangge sane mael. Nanging leluu canang utawi kulit dedaaran ten wenten sane ngarunguang. Kadirasa pura punika boya ja genah mabakti nanging genah ngutang leluu. Niki sane mangkin patut rerehang panepasnyane. Pinaka yowana iraga patut dados conto ring masyarakat utaminipun sane kaaadarannyane kirang. Sinalih tunggil sane prasida kalaksanayang minakadi ngawentuk sekaa truna truni. Sekaa puniki sane pacang miara karesikan purane antuk makarya lubang biopori anggen ngenahang leluu organik sakadi bunga. Taler ngicen pawarah ring pamedek mangda makta leluu canang ipune ka jero soang soang sausane mabakti. Tetujon saking sekaa puniki kawentuk sumangdene para pamedek nenten je penampilanipun manten sane bungah nanging leluune kantun mabrarakan.

Category: high
Affiliation: SMA Negeri 1 Kubutambahan
Age