Efforts to Reduce Waste in the Temple
This is a Response to the Sampah Upacara wikithon
Ring agama Hindu, nyuciang lingkungan lan ngelestariang alam punika dados kewajiban iraga sareng sami. Punika satmaka ring konsep filosofi Bali Tri Hita Karana utaminnyane Palemahan. Iraga pinaka sisya patut urati ring masalah sampah puniki. Akeh pisan utsaha prasida kamargiang antuk pikobet puniki. Pikobet puniki durung wenten utsaha sane prasida muputang pikobet puniki.
Iraga sareng sami patut stata eling ngelaksanayang prinsip 3R: Reduce, Recycle, Reuse (Ngurangin, Guna Ulang, lan Daur Ulang.) 1. Reduce (Ngurangin) Nenten nganggen barang sane kaanggen apisan. Anggen wadah sane dados kaanggen malih. 2. Reuse (Guna Ulang) Nganggen malih barang-barang sane kantun becik. 3. Recycle (Daur ulang) Mendaur ulang barang-barang sane nenten prasida kaanggen malih.
Ring kegiatan keagamaan wenten utsaha sederhana utawi dasar sane prasida kamargiang madasar prinsip 3R punika inggih punika nganggen piranti sembahyang sane nenten malakar saking plastik. Iraga sareng sami patut makta sekar ka genahnyane mabakti, tur nenten dados nganggen canang rikala mabakti.
Soang-soang pura nenten prasida nyediayang genah sampah. Tur soang-soang pecalang prasida nyantosang ring pura mangda prasida ngwangun parilaksana. Nika mawinan parajanane sayan pastika nenten pacang ngutang-ngutang sampah ring pura. Sisa-sisa bunga utawi banten dados kaanggen pupuk antuk keasrian pura.
Pamerintah prasida ngaryanin program bank sampah khusus sampah kegiatan keagamaan. Santukan krama Bali pastika meled madue akeh jinah. Raris ipun sareng sami mapupul ngerereh sampah, sareng-sareng ngamargiang program punika, tur ngasilang jinah. Program puniki nenten pacang nyakitin masyarakat sakewanten pacang ngwetuang pikolih.
Wantah asapunika sane prasida titiang matur. Dumogi iraga sareng sami prasida ngamolihang palemahan pura sane bersih lan asri.
- Category
- high
- Affiliation
- Age
- 16-21
Enable comment auto-refresher