View source for Literature Saling Asah Asih Asuh

{{PageSponsor
|sponsor_enabled=No
}}
{{Literature
|Page Title id=Saling Asah Asih Asuh
|Page Title=Saling Asah Asih Asuh
|Photograph=20220518T073536342Z977947.jpeg
|Photograph reference=https://news.detik.com/internasional/d-5958570/pilu-ratusan-pengungsi-ukraina-tidur-di-stasiun-kereta-polandia/amp
|Description text ban=Gumine jani tusing suud-suud ada prakara, ane paling liu ento prakara manusa teken manusa. Manusane jani pati kaplug, tusing ada ane nyak kalah, makejang marasa ane paling beneh. Silih tunggil prakara ane jani ento, perang negara Ukraina teken Rusia. Makejang pasti suba nawang prakarane, suba liu pesan ada beritane di tipine ada masih di google tur media sosial ane lenan. Yen tolih uli www.cnbcindonesia.com, ada 5 yuta lebih anak Ukraina ane ngungsi, 90% anak ane ngungsi soroh anak luh miwah anak cerik-cerik. Liu pesan ada kramane ane uli Ukraina pesu uli negarane lakar ngungsi ka negara ane lenan. Ada makudang-kudang negara ane lakar nerima para pengungsi uli Ukraina, inggih punika Polandia 2.694.090 pengungsi, Hongaria 440.387 pengungsi, Moldova 417.650 pengungsi, Slowakia 326.244 pengungsi, Rumania 716.797 pengungsi, Rusia 471.014 pengungsi, Belarusia 22.428 pengungsi tur negara-negara ane ada di Eropa. Perang Ukraina teken Rusia ento ada 3 awananne, silih tunggil krana pemimpin Ukraina ane marencana magabung ajak NATO, ane jujukanga oli Amerika Serikat. 
Yadiapin Ukraina konden ada ane ngungsi ka Indonesia, kewala nyanan bisa dogen ada anak Ukraina ane ngungsi ka Indonesia. Di Indonesia liu ada ane cumpu tur ada masih ane tusing cumpu yen Indonesia dadiang tongos ngungsi olih Ukraina. Liu ada papineh kramane, makejang anak ngelah papinehne padidi, ia dadi nyambatang papinehne. Yening papineh tiang, tiang cumpu yen Indonesia dadiang tongos ngungsi olih Ukraina. Krana papineh tiang, suba sapatutne iraga saling asah, saling asih, tur saling asuh teken anak lenan. Indonesia negara ane liu ngelah budaya, siling tunggil budaya saling tulung. Budayane patut iraga laksanayang, iraga bisa laksanayang budaya saling tulung ka anak Ukraina ane ngungsi ka Indonesia. Saling asah, saling asih, tur saling asuh ane kalaksayang ke anak Ukraina inggih punika :
(1) Iraga saling asah, artine iraga tusing dadi mabinaya anak, iraga ajak mekejang patuh. Iraga patuh manusa ane pasti ngelah pelih, ane pasti perlu manusa ane lenan, tusing bisa idup padidian. Iraga ajak anak Ukraina ento patuh, iraga harus saling tulung. Tusing dadi mara iraga malenan negara iraga tusing nyak nulungin. 
(2) Iraga saling asih, artine iraga dadi manusa sapatutne saling kasihin manusa teken manusa. Iraga tusing dadi saling mamusuh, yen ajak makejang mamusuh pasti iraga tusing bisa idup dame. Saling kasihin ento tusing teken kulawarga dogen, anak lenan masih patut kasihin contone anak uli Ukraina. 
(3) Salih asuh, artine iraga dadi manusa suba sapatutne nulungin anak ane kene sangsaya. Anak Ukraina suba pasti jejeh yen nongos di negarane, ane tusing suud-suud munyin senjatane saling sautin. Krana ento iraga patut nulungin, iraga bisa ngamaang tongos ane kedas tur tongos ane sapatutne dadi anggon sewai-wai. Iraga bisa nulungin para pengungsi baan ngamaang busana ane enu dadi saluk, ajeng-ajengan, obat-obatan tur ane lenan. Yen iraga enu bisa nulungin anak, mai iraga ajak makejang nulungin bareng-bareng. Liu ada cara iraga apang bisa nulungin anak, yen mula iraga ngelah keneh becik nulungin anak, pasti iraga maan karma ane becik masih. 
Tusing nulungin anak dogen, iraga masih patut waspada yening lakar nulungin anak. Yening ada anak Ukraina ane ngungsi di Indonesia, bisa dogen ada prakara krana pegawe anak Ukraina. Nah ento jani ane patut kramane pradang, patut ade petugas keamanan ane terus majaga di tongos pengungsiane. Yadiapin iraga nulungin anak, iraga patut masih majaga-jaga apang tusing ada prakara.
|Authors=Ni Made Sintia Lestari
|Topic=Refugees
|Winner=No
|Competition=Pengungsi
|Question=What is your attitude and responsibility to refugees who come to your area because of a conflict such as what's happening in Ukraine?
|Question id=Bagaimana sikap dan tanggung jawabmu jika ada pengungsi datang ke tempatmu karena konflik seperti yang terjadi di Ukraina?
|Question ban=Punapi sameton nampénin lan nyanggra yéning pradé wénten anak sané rarud ka genah sametoné sangkaning rebat sakadi ring Ukraina mangkin?
}}