Covid-19 ngae iraga ngansan biasa ngrasanin kebiasan-kebiasan anyar. Mulane dadi magae lan makarya sakadi normal, nanging jani kawatesin. Makejang kegiatan ane ngajak anak liu lan mapupul kawatesin, minakadi masekolah, ento ngaenang murid-muride malajah uli jumah. Malajah uli jumah ne perlu kuota lebih uling biasane. Dugas ujian tengah semester tiang ajak timpal-timpal akelas orahinna ngae tugas video lantas unggah ka media sosial, kuang lebih ada lima tugas video ane apang unggah tiang ring media sosial. Astungkara kuota tiang genep anggo ngirim tugas ne. Tusing mekelo tiang maan sms uli Putri. Hen, suba ngirim tugas video ne ento? Aduhh tiang sing ngelah kuota anggo ngirim ka sosial media ne Keto Putri ngorahang, lantas orahin tiang Putri ka banjar krana ring banjar ada internet gratis. Aduhh won sajan ka banjar, sing nawang panes gumi ne jani? Tiang sing bisa ngorahang apa-apa. Lantas Putri ngirimin tiang imbauan pemerintah tentang kuota gratis tapi syarat ne harus ngirim imbauanne ka timpal-timpal makejang. Lantas tiang metakon ajak Putri Dija man berita kene? , mara timpal tiang ngirimin, kone ia maan kuota gratis ling pemerintah. Keto Putri nyautin. Lantas tiang ngorahin Putri apang sing aluh nerima lan ngirim imbauan ane tusing pasti beneh ne. nah yen sing nyak nyoba eda nae Tiang nak sing perlu ceramah ne, tiang nak perlu kuota , yen kuota ne suba mekirim lantas tiang kal unggah video tugas ne to Keto Putri nyautin. Lantas pas penilaian, Putri sebet krana ia tusing ngirim tugas. Kuota ane di imbauan ne ento tusing ada. Putri mapangenan lan nyesel tusing ningehin tiang dinane ento. Iraga pinaka anak luh apanga dueg mamilih lan percaya ajak orti berita , alih malu kebenehanne. Padahal dina ne ento suba orahin tiang. Tiang ngorahin krana suba ngecek kebenehanne nanging Putri nu gen kukuh. Nah kudiang man jani, ba kadung Keto tiang ngorahin Putri.
Enable comment auto-refresher