Overtourism: Bali and Its Soft Selling Drama
This is a Response to the Pariwisata Berkelanjutan wikithon
Ring éra mangkin, sira ja nénten madué HP? Cenik-kelih, tua-bajang, makejang madué HP. Youtube, Instagram, Facebook, uling biasa kanti prémium, makejang nganggén. Pangédarang berita, vidéo lucu, iklan, miwah vlog sagét dados bagian idup i raga. Santukan punika, fenomena soft selling nganggén vlog nénten dados kakelidin. Ring vlog liburan utamanyané, Bali kagambarang dados genah sané apik, ajeg budayane, miwah ekonomis. Ring vlog, sané katampilang wantah tampilan sane sampun maédit. Duaning punika, akéh wisatawan sané ka Bali, ngaba jinah pas-pasan ulian mabalih vlog. Sujatiné, ring vlog punika nénten ja kajelasang biaya tambahan lianan, sekadi biaya ngajeng, transportasi, miwah hotel. Nika ngawinang akéh wisatawan sané makta jinah paspasan marasa katipu ulah fenomena soft selling.Yén akéh wisatawan sané pracaya vlog lantas nekat ka Bali makta jinah akidik, nanging nagih fasilitas becik, indik punika ngawinang akéh fenomena turis asing sané ngadug-adug. Yéning dadi idih, mangda vlogger, utawi selebgram, mangda nénten bogbog ngaé video anggén ningkatin like, comment, miwah subscribers kémanten. Tunjukin kahanan Bali, genah wisata, miwah akéh jinah sané katelasang selama liburan ring Bali sané jujur-jujur manten mangda nénten ngaénang overtourism miwah kakuciwaan wisatawan.
- Category
- general
- Affiliation
- Umum
- Age
- 22-30
Enable comment auto-refresher