Efforts to Reduce Religious Waste in the Bali Island
This is a Response to the Sampah Upacara wikithon
Utsaha ngirangin luu upacara agama ring Bali punika pamargi sané becik pisan anggén nyaga keseimbangan palemahan lan ngalestariang nilai-nilai spiritual. Puniki makudang-kudang utsaha sane prasida kamargiang:
1. Ngawigunayang bahan organik antuk sarana upacara agama sekadi slepan lan semat.
2. Ngedukasi krama Bali mangda nenten ngangge tas kresek ritatkala jagi muspa ke pura. Iraga dados nganggén wadah bunga marupa bokor utawi leper.
3. Ngamargiang pemasangan lubang biopori ring pura. Lubang biopori inggih punika lubang sané kakaryanin ring tanah antuk nincapang resapan yeh ujan ka tanah miwah prasida kadagingin antuk limbah organik, penambahan luu organik puniki matetujon antuk ngawerdiang organisme sané maurip ring tanah mangda tanah sayan subur lan nincapang daya serap toya.
4. Nyokong daur ulang bahan-bahan sane kaanggen ring upacara minakadi limbah woh-wohan sané nénten kakayunin dados eco enzyme lan pengolahan botol utawi kaleng dados barang-barang sane prasida kaanggen miwah madue nilai kawigunan ring kauripan sadina-dina.
- Category
- high
- Affiliation
- SMA Negeri 1 Gianyar
- Age
- Under 16
Enable comment auto-refresher