Masyarakat Bali Mengolah Sampah
This is a Response to the Sampah Upacara wikithon
Manut saking penampen titiang, ring aabe mangkin Bali sampun kena yus gawat darurat luu napi malih genah pariwisata. Luiran tekening punika, iraga pinaka krama hindu ring Bali sesai ngalaksanayang upacara yadnya sane taler ngae luu. Nika mawinang, iraga patut kreatif miwah inovatif ngirangin luu ring palemahan. Liune kawentenan bank sampah, komunitas sekadi malu dong, utawi, eco recycle ring wewidangan iraga sareng sami nenten ja purun ngirangin sampah (luu) ring palemahan iraga. Iraga pedidi sapatutne sadina-dina prasida memilah luu, minakadi ring upacara keagamaan iraga dados misahang luu organik lan anorganik. Sane mawasta luu organik contone busung, don biu, sekar, nyuh daksina, utawi cangkah taluh, miwah luiran dados kaolah pinaka pupuk kompos. Conto pengolahan sane luiran teken pupuk luirnyane, nyuh daksina kaolah dados kopra, tanusan utawi santen. Kawentenan kesadaran miwah inisiatif ring krama Bali, iraga prasida ngawantu Bali selamat saking baaya darurat luu.
- Category
- general
- Affiliation
- Fakultas Dharma Acarya, UHN IGB Sugriwa
- Age
- 16-21
Aktifkan pemuatan ulang komentar otomatis