Bali(Ho) Only For Rent Not For Sell
This is a Response to the Pariwisata Berkelanjutan wikithon
Ritatkala titiang malancaran ka Bringkit, di margine titiang nyingakin baliho medaging suratan “Bali(Ho) Only For Rent Not For Sell”. Sesuratan puniki ngaenang titiang berpikir indik napi sane wenten ring pulau Bali. Mangkin akeh tanah warisan leluhur Bali sane kaadol majeng ring orang luar. Fenomena puniki nenten ja manten indik ngadol tanah, nanging budaya Bali pastika perlahan lakar memudar. Duaning genah miwah minat ngelestariang budaya Bali pacang surut. Nanging, sira sane iwang? Napika anak Bali sane ngadol tanah, duaning biaya hidup lan biaya yadnya ring Bali sane mael? Napika anak luar sane meli tanah ring Bali nanging tan memikirkan kawentenan ring pulau Bali? Sane pastika, mangkin boya ja sira sane iwang. Nanging, mangda iraga eling antuk ajaran agama Hindu, silih sinunggil nyane mangda ngelaksanayang ajaran Tri Hita Karana lan saling asah asih asuh, sagilik saguluk salulung sabayantaka, paras paros sarpanaya. Mangda alam lan budaya Bali setata ajeg lan lestari. Yening tan iraga sana ngelestariang, sira sane lakar kasudi?
- Category
- high
- Affiliation
- SMAN 8 Denpasar
- Age
- 16-21
Enable comment auto-refresher