How to reduce plastic waste from religious ceremonies? Post your comments here or propose a question.

Literature Kapurwan Parinama Desa Adat Sumerta

Pura Puseh Desa Adat Sumerta.jpg
Title (Other local language)
Photograph by
By google
Author(s)
Reference for photograph
Subject(s)
    Reference
    Related Places
    Desa Adat Sumerta
    Event
    Related scholarly work
    Reference


    Add your comment
    BASAbaliWiki welcomes all comments. If you do not want to be anonymous, register or log in. It is free.

    Description


    In English

    In Balinese

    Desa Adat Sumerta pinaka desa adat sane wenten ring Kota Denpasar, madue petangolas banjar sakadi Banjar Tegal Kuwalon, Banjar Sima, Banjar Kerta Bumi, Banjar Peken, Banjar Pande, Banjar Lebah, Banjar Kedaton, Banjar Bengkel, Banjar Kepisah, Banjar Ketapian Kelod, Banjar Ketapian Kaja, Banjar Abian Kapas Kaja, Banjar Abian Kapas Tengah miwah Banjar Abian Kapas Kelod. Desa Adat Sumerta madue jimbar wawidangan 472,73 Ha sareng akeh warginnyane 9.735 diri Anonim, 2014: 13 . Indik kapurwan parinama Desa Sumerta puniki yening sane kasurat nenten wenten ngantos mangkin indik kapurwan Desa Sumerta, sakewanten sampun wenten kapurwan parinama Desa Sumerta puniki manut wawancara saking panglingsir sane sampun wenten ring Eka Suwarnita Desa Adat Sumerta 2014: 2-3 ngenenin indik Desa Sumerta sane sampun lintang kawastanin Wongaya kasuen-suen dados Sumerta Wongaya. Ngenenin indik parinama Sumerta puniki sampun wenten ring babad Ki Bandesa Krobokan Badung. Wenten punggelan babad Ki Bandesa Krobokan Badung inggih punika : waliang ikang kata, ceritanen mangke tmajanira Ki Gusti Pasek Gelgel Aan, pada sahing Hyang Widi, apasanakan rahning nalikang rat, tembenia Gde Pasek Sumerta tmajanira Ki Gusti Pasek Aan, angalih lungguh mareng jagat bandana, sira kawuwus Pasek Sumerta, muang lungguh hira raju ingaranan Sumerta, apan sira Ki Pasek Gegel winuwus widagda Wicaksana, sida pwa sira anampa sajnira Sang Natheng Bandanas Palungan Ki Pasek Sumerta ka jagat Bandana Badung manut saking crita ring ajeng kirang langkung ring pemerintahan Dalem Waturenggong. Ring punggelan sampun wenten kasengguh Kruna Sumerta pinaka cihna wit parinama Desa Sumerta. Manut saking wawancara pamangku pura Puseh Sumerta I Made Rai Suta Maskaya, duk warsa 2018 dane nyobyahang sane lintang Desa Sumerta sampun naenin kapimpin olih I Gusti Ngurah Sumerta, nika mawinan wawidangan desa Sumerta sane lintang kawastanin Wongaya selanturnyane kaubah dados Sumerta sane ngranayang saking warih wastan I Gusti Ngurah Sumerta, sane sampun manut saking Babad Ki Bandesa Krobokan Badung inggih punika Gde Pasek Sumerta.

    In Indonesian