Government Harmonisasi Pendidikan Mangda Nincapang Kualitas Antuk Masa Depan Bali

Om Swastiastu, Para angga panureksa sane kusumayang titiang, Taler para angga panodya sane tresna asihin titiang, Angayubagia uningayang titiang majeng ring Ida Sang Hyang Parama Kawi santukan sangkaning asung kertha wara nugrahan Ida, titiang Ni Wayan Julia Pramesti Maharani saking SMA N 1 Ubud pinaka pamilet Wimbakara Orasi Basa Bali anggen ngrentebin pamargin Wikithon Partisipasi Publik Bali Berorasi warsa 2023. Titiang jagi maktayang orasi ngenenin indik "Harmonisasi Pendidikan Mangda Nincapang Kualitas Antuk Masa Depan Bali" Pendidikan pinaka dasar panglimbak kawagedan manusané miwah kunci kaadilan miwah panglimbak ekonomi. Ring Bali, nincapang akses miwah kualitas pendidikan dados pikobet sané mabuat pisan majeng ring sang sané jagi dados pamimpin. Akses sane pateh ring paplajahan patut kamargiang ring soang-soang pahan masyarakat, taler ring soang-soang krama sane magenah ring genah sane doh. Sang sane jagi dados pamimpin sepatutnyane nyusun tata cara sane becik mangda asung kerta wara nugraha majeng ring alit-alite sami mangda prasida ngamolihang pendidikan sane becik. Sajabaning ring aksés, nincapang kualitas pendidikan taler dados unteng pikobet. Nyediaang generasi sane jagi rauh antuk kaweruhan miwah keterampilan sane relevan sareng panglimbak jaman inggih punika investasi jangka panjang sane pacang ngicen dampak positif majeng ring panglimbak Bali. Puniki ngalibatang nganyarang kurikulum, ngawerdiang guru antuk terus-terusan, miwah ngawigunayang teknologi ring sajeroning paplajahan. Sang sane pacang dados pamimpin patut mastikayang sekolah ring Bali dados genah inovasi miwah paplajahan sane nglimbak. Pikobet sané ageng sekadi nénten patehnyané ring akses pendidikan miwah kualitas pendidikan sané mabinayan ring soang-soang genah patut katangkep antuk pamimpin Bali. Malarapan antuk komitmen majeng ring pendidikan sané inklusif miwah berkualitas, para pamimpin prasida ngwangun dasar sané kukuh ring masa depan Bali sané cerah, ring genah soang-soang jatma madué peluang miwah potensi mangda prasida nglimbak becik. Inggih, wantah sakadi asapunika sane prasida aturang titiang, mogi riwastu wenten pikenohnyane. Pinaka wesananing atur, puputang titiang antuk parama santih. Om, Santih, Santih, Santih, Om |Linked place=Jalan Suweta, Sambahan, Ubud |SchoolOrg=SMA Negeri 1 Ubud |Topic=DPD }}