Summary[edit]

MERAWAT KERUKUNAN UMAT BERAGAMA Pulau Bali sane kaloktah ring sektor pariwisata inggih punika genah masyarakat sane mayoritas meagama Hindu. Dados daerah pariwisa utama ring Indonesia, ring Bali akeh sane me asal saking latar belakang suku, bangsa, miwah agama sane metiosan. Yadiastun beragam lan metiosan keyakinan, kerukanan presida ke jaga ring Bali ulian tokoh-tokoh agama irika. Asing-asing tokoh agama sadar ring bebuat ngajegan kerukunan umat beragama ring bali santukan tanpa kerukunan sektor pariwisata pacing terganggu. Semalihe, perekonomian masyarakat Bali sangat tergantung ring sektor pariwisata. Di sampinge punika, kerukunan lan keharmonisan umat beragama khususne Muslin lan Hindu di Bali sampun mapaiketan ngawit saking jaman kerajaan. Fakta sejarah puniki madue nilai ngeraketang pesemetonan lan kebersamaan antara Muslin lan umat Hindu ring bali sane dados mayoritas. Ketua Majelis Ulama Indonesia (MUI) Bali, KH Mahrusun Hadiono, maosan kerukunan umat beragama ring Bali terjadi santukan wenten rasa saling menghormati lan menghargai antar pemeluk agama. Umat Islam sane dados mayoritas menghormati umat Hindu sane mayoritas. Umat Hindu taler menghormati umat islam. Sampunika taler agama agama sane tiosan taler saling menghormati. “Majelis-majelis agama sane megabung ring forum kerukunan umat beragama (FKUB) sami mapendapat kerukuna nike nenten barang jadi, artine yening mangkin rukun pungkuran nenten tentu rukun,” punika baos Kiai Mahrusun ring republika. Kiai Mahrusun sane taler anggota FKUB maosan, ring sajeroning nyage kerukunan, pembinaan setata kelaksanayang olih tokoh agama. Pembinaan ring umat nyane soang-soang kelaksanayang lan taler peminaan sami umat agama agama sane wenten ring Bali taler kalaksanayang. Dane taler nerangan, biasane tokoh tokoh agama ngerauhin daerah daerah utawi kelompok kelompok ring sajeroning ngelaksanayang pembinaan. Mangda krama Bali krama Bali ngerti pentingne ngerawat lan nyaga kerukunan. Kiai Mahrusun ngungkapan perekonomian ring Bali megantungan ring pariwisata dahat pisan. Sektor pariwisata mekaitan pisan ring masalah keamanan. Keamanan mekaitan ring kerukunan masyarakat beragama. “Antuka punika sami pinih megantungan ring pariwisata dadosne pariwisata mangda memargi becik,” baosne. Kiai Mahrusun nerangan, antar umat beragama ring Bali yadiastun metios tiosan nanging nenten saling ngulgul santukan sareng sami nyaga pariwisata. Satmaka contoh tatkala pandemi civid-19, krama Bali sareng sareng berjuang mencegah penularan lan penyebaran covid-19. Ibadah agama umat Hindu, Islam lan agama sane tiosan sami kebatesang tatkala pandemic, Dadosne sami ngalamang nasib sane pateh lan berjuang sareng sareng. Satmaka gambaran kerukunan umat beragama ring Bali, Kiai Mahrusun nyontohang subak ring daerah daerah Muslim lan Hindu. Subak inggih punika organisasi sane kagelahan masyarakat petani ring Bali, sane khusus ngatur pengairan utawi irigasi carik secara tradisional. “Irika wenten orang Islam lan Hindu, sare sareng sareng ngangge subak ring kepentingan pertanian nyane sareng sareng,” baosne. Dane ngawewehan, conto sane tiosan satmaka gambaran kebersamaan pemeluk agama minoritas lan mayoritas sareng sareng mula jahe merah ring Bali. Umat Islam lan Hindu sareng sareng mula jahe merah. Kiai Mahrusun maosan, yadiastun kehidupan ring bali sampun harmonis, tetep kerukunan mangda kajaga. Ring kalangan pamuka agama sampun kajaga becik pisan. ring kalangan masyarakat akar rumput kerukunan mangda tetep karawat lan kajaga masyarakat sareng pamuka agama. Ketua Parisadha Hindu Indonesia (PHDI) Bali, Profesor I Gusti Ngurah Sudiana, nyeritayang kerukanan antar umat agama ring Bali sampun maiketan duk jaman kerajaan. Leluhur umat Hindu ring Bali sampun hidup sareng semeton sane meagama Islam lan Kristen. Leluhur umat Hindu, Islam, lan Kristen saking dumun sampun saling menghargai lan saling menghormati, ring ngalaksana upacara keagama taler upacara adat. Antos mangking bukti bukti kehidupan sane rukun lan harmonis antar umat maagama ring Bali kari wenten. “Ring Karangasem, Denpasar, Badung lan sane tiosan, Raja raja ring Bali ngicen genah nyeneng ring semeton Muslim, taler ring Karangasem kakaryanan langar (masjid) lan kapica kampung ring semeton sare maagama Islam,” baos Profesor Sudiana. Profesor Sudiana sane taler penasehat FKUB Bali ngungkapan, silaturahmi antar umat beragama ring Bali terus terjaga duk jaman sane dumun ngantos mangkin. Satmaka gambaran kerukunan umat beragama dane ngenikayang, ngantos mangkin tempat ibadah umat Hindu, Islam lan agama sane tiosan mapaekan ring makudang wilayah ring Bali. Akeh taler umah ibadah Islam lan Hindu sane maukuran cening saling mapaekan ring makudang daerah. Dane ngenikayang, silaturahmi taler wenten ring acara acara adat utawi keagamaan. Sawireh antar umat agama saling ngerauhin acara punika. Setios punika pare tokoh agama taler sering mudue pandangan sane pateh ring sajeroning kagiatan formal. “Secara keumatan during wenten masalah, dumogi nenten wenten masalah, wantah sapunapi iraga ngemelihara kerukunan ring Bali selanturnyane,” baosne. Profesor Sudiana ngewewehin, mangda presida terus ngerawat lan nyaga kerukunan ring bali, keaptiang pemerintah lan tokoh agama agama nenten dados renggang. Harus setata ngawentenan komunikasi sane becik lan saling menghargai makesamki. Dane ngaptiang pemerintah pusat dan daerah mangda sayan sering ngelaksanang pertemuan pertemuan utawi silahturahmi sareng majelis agama agama ring Bali. Taler kaaptiang pemerintah sayan nguratiang forum umat beraga ring Bali, mangda forum me puniki presida ngewetuang jaminan kerukunan ring masyarakat. “Dados ne uratiane nenten uratian merupa saran saran himbauan himbauan manten, taler perlu wenten fasilitas sane kaicen ring Lembaga (Lembaga agama agama lan Lembaga forum kerukunan),” baosne. Menurut dane, dukungan pemerintah ring majelis majelis agama lan FKUB penting. Mangda sayan percaya ring angga ring ngelaksanayang tugas nyane ring sejeroning ngicenin pencerahan ring umat nyane. Demi nyage kerukunan, keharmonisan, silaturahmi, lan persaudaraan. Dane ngewewehan, khusus ring umat beragama harus kayun sareng sareng merevitalisasi tradisi kearifan lokal sane prasida ngaryaning umat beragama prasida sayan rukun lan paek santukan merasa masemeton. Santukan rasa masemeton punika dados kunci kerukunan. “Iraga wenten ring naungan NKRI, Pancasila, UUD 1945, ring satu negara Replubika Indonesia puniki nenten dados wenten konflik napi malih konflik agama, santukan sami agama nuntun umat nyane kajalan sane becik lan patut,” baos Profesor sudiana.