Summary[edit]

Krama Indonesia inggih punika bangsa sané majemuk, mawit saking makudang-kudang suku, agama miwah ras, sakéwanten kauningin pinaka bangsa sané ramah miwah toleran, taler ring sajeroning kauripan agama. Pluralisme agama ring Indonesia sampun sué tur dumunan katimbang ring negara-negara ring jagaté. Sakewanten, ring makudang-kudang warsa sane sampun lintang (utaminnyane sadurung warsa 2014) sampun wenten makudang-kudang peristiwa sane nyihnayang parilaksana agama sane nenten becik utawi kirang toleran ring masyarakat Indonesia. Indiké punika nénten ja wantah wénten ring Indonésia kemanten, nanging taler wénten ring negara-negara demokratis tiosan, taler ring negara-negara Barat sané sampun ketah kauningin antuk masyarakatnyané sané toleran. Ring widang sosiologi, puniki pinaka panglimbak saking mobilitas sosial sané dinamis pisan sané mamargi sareng proses globalisasi, mawinan para imigran miwah krama adat sané madué makudang-kudang latar belakang budaya miwah kapercayan saling berinteraksi ring genah sané pateh. Ring sajeroning interaksi puniki prasida wenten paiketan integrasi, perdamaian miwah kerjasama, nanging taler prasida wenten prasangka, ketegangan, persaingan, intoleransi, konflik, miwah taler disintegrasi. Indik sané pinih untat puniki mamargi yéning sané kasub ring interaksi punika wantah politik identitas. Politik identitas puniki mangkin nenten ja wantah kawedarang pinaka perjuangan kelompok minoritas sekadi rikala istilah puniki kawedar ring pangawit warsa 1970-an, nanging taler olih makudang-kudang kelompok mainstream utawi mayoritas mangda prasida nglestariang identitasnyane sane ngewarnain kahuripan masyarakat.

Toleransi miwah Perdamaian

     Toleransi inggih punika pikayun utawi sikap anak sane nrima rasa, parilaksana, pikayunan utawi kapercayaan sane mabinayan sareng sane sampun wenten. Sané kapertama maosang indik toleransi wantah ngeranjing ring indik ngicalang miwah nenten nyakitin anak tiosan. Sane kaping kalih maosang indik toleransi punika ngeranjing ring makudang-kudang soroh sane tiosan. Punika konsep toleransi positif sane kalimbakang ring paiketan sosial ring negara puniki antuk istilah perdamaian. Paindikane punika kadasarin antuk kalih paindikan, inggih punika parisolah miwah parilaksana anake sane pracaya ring Ida Sang Hyang Widi Wasa miwah parisolah pamrentah sane becik. Makasami agama ngajahin indik perdamaian puniki. 

Pencegahan miwah Penyelesaian Konflik

Konflik antar umat agama lumrahne nenten ja mawit saking faktor agama, nanging saking faktor politik, ekonomi utawi sane lianan sane raris kahubungang sareng agama. Nanging sane pinih utama inggih punika indik pikobet indik agama. Sane pinih ageng pisan sane ngawinang anake maroang-roangan, inggih punika indik genah mabakti. Yadiastun warsa 2014 puniki toleransi agama sayan nglimbak saking warsa-warsa sadurungnyané, sakéwanten kantun wénten makudang-kudang peristiwa gangguan utawi penghentian pembangunan genah mabakti sané sampun polih ijin. Yéning kasus-kasus sakadi ring ajeng puniki kalanturang, wénten rasa jejeh yéning kahanan rukun umat agama puniki pacang rusak. Punika mawinan, ngukuhang perdamaian lan toleransi patut setata kamargiang, utaminnyane majalaran antuk sosialisasi pemahaman agama sane moderat lan negesang mabuatnyane toleransi lan perdamaian ring kahuripan masyarakat sane majemuk. Taler, patut kamargiang utsaha-utsaha ngukuhang rasa nasionalisme miwah integrasi nasional, sane ngranjing sosialisasi Pancasila, UUD 1945, NKRI miwah Kebinekaan. Samaliha sane pinih utama inggih punika nincapang kesadaran miwah penegakan hukum, saking aparat negara, tokoh politik miwah tokoh agama. Tiosan ring utsaha punika, patut taler kamargiang utsaha pencegahan konflik majalaran antuk nincapang dialog antar umat beragama antuk Sapunika taler, perlu antisasap saking pangawit indik potensi konflik utawi ketegangan punika, mangda potensi punika nenten dados konflik lan kekerasan. Puniki patut kasarengin antuk langkah-langkah penyelesaian sengketa utawi konflik sané mamargi majalaran antuk musyawarah ngamecikang punika pinaka pahan saking kawajibannyane sajeroning ngajegang ketertiban umum miwah ketertiban masyarakat. Manut titiang, sané sampun naenin mamargi ring genah-genah konflik punika, pamutusnyané nénten ja méweh pisan. Sané pinih utama inggih punika komitmen Pemda/Pemkot majeng perdamaian miwah wénten mediator sané prasida ngukuhang sakancan pihak sané nyarengin konflik utawi sengketa antuk ngamecikang aspirasi ipun. Ring kawéntenan sané sampun katentuang patut wénten kompensasi ring pihak sané katentuang mangda prasida ngamecikang penyelesaian sané madasar antuk kerangka win win solution. Iraga ngaptiang pemerintah Jokowi-JK prasida ngajegang toleransi lan perdamaian puniki taler muputang konflik utawi sengketa sane durung kapuputang ring masa sane sampun lintang.