View source for Literature SARENGIN NGREMBA PANGLIMBAK BASA MIWAH BUDAYA BALINE MALARAPAN BASA BALI WIKI: SAKING ACARA NGAKRAB BASA BALI WIKI

{{PageSponsor}}
{{Literature
|Page Title=SARENGIN NGREMBA PANGLIMBAK BASA MIWAH BUDAYA BALINE MALARAPAN BASA BALI WIKI:  SAKING ACARA NGAKRAB BASA BALI WIKI
|Page Title id=MARI SALING MENDUKUNG UNTUK PENGEMBANGAN BAHASA DAN BUDAYA BALI BALI BERSAMA BASABALI WIKI: DARI ACARA NGAKRAB BASABALI WIKI
|Photograph=BBW NGAKRAB.jpg
|Photograph by=Ni Putu Ayu Suaningsih
|Description text ban=Rahina Saniscara, tanggal 31 Oktober warsa 2020 BASAbali Wiki ngamargiang acara Ngakrab utawi malajah ngasukang kruna-kruna basa Bali ring Kamus Daring BASAbali Wiki. Acara puniki kamargiang mangdane sayan akeh krama Bali miwah dura Baline sane ngremba panglimbak basa miwah budaya Baline ring aab jagat digital sakadi mangkin. Acara sane kamargiang nepek ring Bulan Bahasa warsa 2020 puniki kamiletin olih 57 pamilet.
 
I Gde Nala Antara pinaka Pembina Yayasan BASAbali Wiki sajeroning sambramawacanandane ngaptiang mangda BASAbali Wiki prasida kaanggen genah nglimbakang basa, aksara, sastra, miwah budaya Bali. “Sujatinnyane, BASAbali Wiki nenten titiang sane nuenang, sakewanten sameton sami sane urati ring basa Bali. Punika mawinan, ngiring sarengin ngremba basa miwah budaya Baline malarapan antuk BASA Bali Wiki”. Sapunika Ketua Pembina Yayasan BASAbaliwiki sane sarahina taler pinaka dosen ring Prodi Sastra Bali FIB Unud nugesang.

Acara Ngakrab kasanggra olih Ni Putu Ayu Suaningsih, kaenter olih I Dewa Ayu Widya Utami, tur katuntun wantah Ida Wayan Eka Werdhi Putra, Ida Ayu Putu Nita Piayanti, miwah I Gusti Putu Surya Angga Bhuwana.  Ida Wayan Eka Werdhi mahbahang indik BASAbali Wiki miwah tata cara ngaryanin akun mangda prasida ngunggahang kruna ring kamus daring BASAbali Wiki. Lianan ring punika, Dayu Nita nagingin indik tata cara ngunggahang aksara Bali, kruna-kruna sane mapaiketan, terjemahan-terjemahan ring kamus Daring BASAbali Wiki. Sane pinih untat, Angga Bhuwana maosang indik tata cara ngunggahang kruna anyar, tur tata ejaan. 

Acara sane kamargiang kirang langkung 2 jam punika kasarengin olih para pamilet saking Penyuluh Basa Bali, dosen, mahasiswa, guru, miwah para jana lianan. Para pamilet sane nyarengin taler sarat ngunggahang kruna-kruna basa Bali ring Kamus Daring BASA Bali Wiki. Ring panguntat acara, makasami pamilet mauruk ngunggahang kruna-kruna basa Bali ring BASA Bali Wiki. Sami uleng tur teleb ngamiletin acarane puniki.
|Authors=Putu Eka Guna Yasa,
|Subject=Mapaguron-guron,
}}