View source for Biography of Ngakan Made Kasub Sidan

{{Biography
|Full Name=Ngakan Made Kasub Sidan
|Photograph=Ngakan kasub sidan.jpg
|Biography text ban=Ngakan Madé Kasub Sidan, embas ring désa Satra Klungkung nemonin rahina Saraswati warsa 1959. Ngawit warsa 1982 dané ngunggahang seriptayan marupa puisi, cerpén, artikel, Sekar Alit, lan éssay ring Bali Post, Nusa Tenggara, Karya Bhakti, Satwa, Canang Sari, tur nglimbak ring Anita Cemerlang lan Zaman (Jakarta),  Mimbar Masyarakat (Samarinda). Kakawian sané sampun kaunggahang marupa cakepan, minakadi:
Tembang Tanah Tonja (pupulan puisi sareng Nyoman Mastra) kamijilang olih IKIP PGRI Bali warsa 1993
123 Tembang Pramuka, kamijilang oleh Kwarran Klungkung duk warsa 1997, 2001, 2005, 2009, lan 2010;
Puputé Tan Sida Puput (Antologi Puisi 26 pangawi sajebag Jagat Bali) kamijilan olih Majalah SARAD lan Balai Bahasa Dénpasar, warsa 2001;
Perani Kanti(Antologi puisi 26 pengawi sajebag Jagat Bali) kamijilang olih Majalah Canang Sari Gianyar, warsa 2002;
Sekar Rampé Basa Bali, Panyangkep KTSP Muatan Lokal Basa Bali, kamijilang olih Pelawa Sari Dénpasar, warsa 2008 lan 2015.
Aneka Permainan Pramuka, Pengawal Pendidikan Karakter, kamililang olih Dwi Jaya Mandiri Dénpasar warsa 2015.
Léak Siwa Klakah, Pupulan Puisi lan Prosa Lirik Bali Anyar, kamijilang olih Pelawa Sari Dénpasar, warsa 2016.
Daha Ayu Ring Tengai Tepet, Pupulan Satua Bawak Bali Anyar, kamijilang olih Pelawa Sari Dénpasar, warsa 2016.
Dané sampun ngamolihang makudang-kudang jayanti, sakadi: jayanti I nyurat Sekar Macapat  Prov. Bali (2000), kawéntenang olih Paramasastra Bali; jayanti II nyurat Puisi Bali Prov. Bali (2000) sané kawéntenang olih Paramasastra Bali; jayanti I Guru Berpréstasi Kab. Klungkung, warsa 2004; warsa 2005 polih “Ranking I Diklat Instruktur PPKn  Nasional”; jayanti I Kepala SD Berprestasi Prov. Bali lan Jayanti III  Nasional, warsa 2009; jayanti II Nyurat Dongéng Prov.Bali (2010) olih KPAID Bali; molihang Anugerah “Widya Kusuma” (Tokoh Pendidikan Bali ) saking Gubernur Bali warsa 2010.
Sané mangkin, ngayah dados pengawas SD/MI Kecamatan Klungkung.
|Link=https://suara-sakingbali.blogspot.co.id
|Examples of work={{Biography/Example
|Title of work=Titiang
|Description of work ban=Titiang

Titiang boya ja tiang
Boya ida maraga dané
Boya dané mawasta jeroné
Boya jeroné mapamineh titiang
Taler boya ida dané lan tiang malima batis titiang

Titiang wantah titiang
Sané tan lémpas lumampah ring titi tunggil
Yadian ugal agil

Titiang wantah titiang
Sané ngungsi genahé tunggil
Napi malih tininggal tinggil
Titiang tan purun dados nadosang tiang
Yadiastun mangkin sampun kalugra
Titiang taler kakadosang dados tiang
Maraga ida mapakayun dané makarna jeroné
Mawasta dané mapanyingakan ida maulu tiang
Ida, dané, jeroné,lan tiang mawak titiang
:kadi tiang

Sampunang titiang owaha
Benggayang sampun kadi pawetuané
Lugrayang yaning panamaya panumadian malih ring galah bénjang pungkur
Titiang taler kantun dados titiang
;Benggayang sampun!
|Link=https://suara-sakingbali.blogspot.co.id/2017/08/puisi-puisi-ngakan-made-kasub-sidan.html
}}{{Biography/Example
|Title of work=Tabuh Rah
|Description of work ban=Tabuh Rah

I/Panyapa
Yadnya bébék putih jambul/ miber genah kalér kangin/ ngareresik dasa mala/ sor akasa duur pertiwi/ nglikub bayu apah téja/ yumiratang sunya resik/ ring ginati tembangnyané.
|Link=https://suara-sakingbali.blogspot.co.id/2017/04/prosa-liris-bali-anyar-ngakan-made.html
}}
}}