Om Swastyastu. Para semeton yowana sane tresna sihin titiang. Pinih ajeng ngiring ngaturang rasa angayu bagia ring ida Sang Hyang Widhi Wasa, duaning sangkaning pasuacen ida, titiang ngiring ida dane sareng sami prasida makumpul riki. Ring galahe sane becik puniki titiang jagi ngaturang orasi same mamurda Pikobet Leluu Sane Magenah Ring Tukad-tukad Ring Bali. Pikobet puniki pinaka silih sinunggil sane wenten ring Bali sane patut katurukang olih calon pemimpin Bali. Para uleman sareng sami uning tukad punika pinaka sumber daya alam sane penting pisan ring kehidupan para krama sejagat Bali. Tukad punika pinaka mawiguna pisan kaanggen ngerereh toya, irigasi, miwah kaanggen kebutuhan sane tiosan. Yening mangkin uratiang toya ring tukad-tukad sampun kacemarin antuk leluu plastik sane akeh. Nike mawinan toya ring tukad-tukad sampun kotor punika pinaka pakaryan para krama sane nenten sadar tekening lingkungan sehat utawi bersih, iraga sepatutne ngutang luu ring genahnyane, nenten ngutang luu ka tukade. Mawinan luu sane wenten ring tukad akeh duaning kirang sarana prasarana pengolahan leluu. Leuu sane ring tukade mawinang pikobet ring lingkungan miwah kasehatan. Luu pinaka ngranayang tukade sampet nenten lancar nike ngawinang banjir. Pencemaran luu ngawinang kasehatan para krama miwah baburon menurun. Mangkin punapi tata cara mangda lingkungan ring tukad nike bersih tur asri ngiring sikiang iraga sareng sami lan para pemimpin Bali mangda sareng-sareng menanggulangi luu sane tukad-tukad mangda kaindahan tukad kadi jadi mula asri tur bersih. Titiang nunas para calon pemimpin Bali mangda nyagayang sarana prasarana umpame, genah luu, armada pengangkut luu, miwah TPA. Para pengusaha mangdane nyokong progam bersih luu plastik miwah ngiring ngangge bahan-bahan sane meweh terurai. Tiang ngaptiang para calon pemimpin Bali ngusahayang mangda ngererehang solusi pikobet piniki ring visi misi nyane. Titiang ngaptiang mangda samian masikian ngerereh solusi pikobet ngenenin luu sane wenten ring tukad-tukade. Mangda Bali puniki pulau sane bersih, asri, tur sehat. Inggih,para semeton sareng sami sane tresna sihin titiang. Kadi asapunika titiang prasida matur, mogi-mogi wenten pikenohipun. Menawi ta wenten atur titiang sane nenten munggah ring arsa, lugrayang titiang ngelungsur gung rena pengampura. Inggih, puputang titiang antuk parama santih. Om Santih, Santih, Santih, Om.
Enable comment auto-refresher
Enita.indra29
Permalink |