View source for Literature Masa Pandemi Covid-19, Ayo Buat Sesuatu yang Baru!

{{PageSponsor
|sponsor_enabled=No
}}
{{Literature
|Page Title id=Masa Pandemi Covid-19, Ayo Buat Sesuatu yang Baru!
|Page Title en=During the Covid-19 Pandemic, Let's Create Something New!
|Page Title=Masan Gering Covid-19, Mai Ngaé Gaé Lénan!
|Photograph=BAJU MALUKIS.jpeg
|Photograph by=Ni Putu Asri Ranaswari
|Description text ban=Gering Covid-19 suba ada atiban lebih nibén guminé nénénan. Liu panglimbak séktor ané kélangan tongosné madepan. Utamané séktor pariwisata sekadi pepusuhan ékonomi ring Bali. Pepusuhan jagat Baliné nyansan enduk krana kélangan turis ané pidan sesai malali ka Bali ri kala prai uli tongosné magaé di dura negara. Pulo Bali ané kasuban tekén panegarané padidi, panegara Indonesia, jani suba joh ulung. Tusing ada ané nolih. Krama Bali ané magaé di pariwisata kélangan gaé, para pebisnis ané mukak tongos-tongos hiburan liu masih bangkrut krana sing ngelah pelanggan di masa geringé nénénan.
	Diastun guminé buka jani, krama Bali tusing dadi kelem di sebeté muah patut bangun nglanturang idupé. Turisé ningalin Bali nénénan kasub ulian seni lan budaya. Seni lan budaya tusing ja tuah unduk balih-balihan utawi sendratari ané kaigelin baan anaké liu. Nanging ada masih wangun seni lan budaya lénan ané tusing tawanga tekén anaké, sekadi seni lukis. Seni lukis tuah seni ané nyidang kalaksanayang utawi kagaénin padidi, tusing ja ngaénang anak lénan mapupul utawi maseksek. Unduké nénénan masih anut tekén protokol kesehatan sekadi ngelidin pupulan krama, apang nyidang megatin panglimbak virus Corona. Silih tunggil seni lukis ané nyidang nekaang pipis di masa gering Covid-19 nénénan wantah seni lukis baju kaos utamané motif budaya Bali. Baju kaos wantah baju ané paling aluh kasaluk tur paling sesai anggona tekén kramané. I raga nyidang ngadep baju kaos lukis nénénan ka krama Bali muah turis ané demen teken budaya Bali. Ento mawinan, baju kaos lukis tusing ja tuah dadi adep ring Bali, nanging nyidang masih adep kanti ka dura negara. Dini suba selah I raga ané demen tekén seni lukis ngeberang kampid apang nyidang ngwaliang perékonomian Bali masih sakabedik lakar bangkit. Perékonomian Bali lancar, Bali tetep kasub.
|Authors=Ni Putu Asri Ranaswari
|Topic=Bali - Economy
|SummaryTopic=New motivation during covid 19
|SummaryTopic id=Motivasi baru disaat covid 19
|SummaryTopic ban=Pitutur anyar rikala covid 19
|Competition=Gunakaya
}}