I Durma
Summary
In English
In Balinese
Ada tuturan satua anak muani madan I Rajapala makurenan ngajak dedari madan ken Sulasih. Ia ngelah pianak adiri adanina I Durma. Mara I Durma matuuh pitung oton, kalahina teken memene mawali ka swargan. Sawireh keto, Idurma kapiara, olih Irajapala,kanti matuuh dasa tiban. Gelisang satua I Rajapala makinkin bakal nangun kerti ke alas gunung.
Nuju sanja, I Rajapala ngaukin pianakne laut negak masila. I Rajapala ngusap-ngusap duur I Durmane sarwi ngomong, duh cening Durma pianak bapa, tumbuh cening kaasih-asih pesan. Enu cerik cening suba katinggalin baan meme. Buin mani masih bapa bakal ninggalin cening luas kagunung alas nangun kerti. Jumah cening apang melah .
Mara keto, jengis I Durma, yeh peningalane ngembeng-ngembeng. Bapane nglanturang mapitutur, Cening Durma awak enu cerik, patut cening seleg malajahang awak. Sabilang gae patut plajahin,nyastra tusing dadi engsapang. Ditu di pasraman Jero Dukuh, cening mlajah sambilang ngayah . Plajahin cening matingkah,ngomong muah mapineh. Tingkah,ngomong muah papineh ane rahayu plajahin. Sekenang pesan magarapan ditu di pasrama Jero Dukuhe. Prade ada anak kuma tresna, suka olas teken cening, ento eda pesan engsapanga. Nanging yen ada anak ngawe jele wiadin ngawe jengah teken ukudan ceninge, sadida-sidaan eda Walesa. Minab Ida Sang Hyang Widhi tuara wikan nyisipang. Keto masih eda cening ngadu daya lengit, ngekadaya nyengkalen anak. Jejerang papinehe ngulati ane melah. Ingetang satata ngaturang bakti ring Ida Sang Hyang Widhi, matrisandya tetepang. Nah, amonto bapa mituturin cening, dumadak Ida Sang Hyang Widhi Wasa sweca mapica karahayuan tekening cening muah bapa . Kacarita jani I Durma suba ngayah, malajah di pesraman Jero Dukuhe. Jero Dukuh kalintang ledang pikyunanne, krana
I Durma seleg pesan malajah tur enggal ngeresep. I Durma tusing milihin gae, asing pituduh Jero Dukuhe kgarap kanti pragat. Sabilang peteng kaurukang masastra baan jero Dukuh. Baan selene mlajah mamaca, dadi liu ia nawang satwa, tutur muah agama. Sasubane I Durma menek truna, pepes ia kabencingah, dadi tama ia nangkil ring anake agung di Wanakeling. Para punggawa, tandamantri pada uning, tur sayang teken I Durma. Ditu laut I Durma kaangen parekan di puri, kadadiang panyarikan sedehan agung purine.
Dadine, I Durma tusing kuangan pangan kinum muah satata mapanganggo bungah. Yadiapin keto tusing taen ia engsap manyama braya, satata inget teken pitutur bapane muah ajah-ajahan Jero Dukuh. Keto yen pikolih anake jemet malajah tur anteng magarapan.
In Indonesian
Saat I Durma baru berusia tujuh bulan, ditinggalkan oleh ibunya pulang ke surga. Karena demikian, I Durma di asuh, oleh I Rajapala, hingga berusia sepuluh tahun. Singkat cerita I Rajapala bergegas akan bertapa ke hutan gunung.
Menjelang Sore hari, I Rajapala memanggil anaknya kemudian duduk bersila. I Rajapala mengelus-elus kepalanya I Durma sembari berkata, "Wahai Durma anak ayah, engkau tumbuh sangat sengsara. Engkau masih kecil sudah ditinggalkan oleh ibumu. Kelak esok hari ayah juga akan meninggalkanmu pergi bertapa ke gunung hutan. Baik-baik di rumah ya nak".
Baru demikian, I Durma meringis, air matanya berlinang. Ayahnya melanjutkan memberikan petuah," Anakku Durma kamu masih kecil, kamu harus rajin belajarmengisi diri. Setiap pekerjaan harus dipelajari, belajar sastra juga tidak boleh lupa. Di sana di pasraman Jero Dukuh, kamu belajar sembari melakukan pekerjaan (tanpa upah). "Belajarlah kamu berprilaku, berkata dan berpikir. Tingkah laku, perkataan dan pikiran yang baik yang harus dipelajari. Harus bersungguh-sungguh bekerja di sana di Pasramannya Jero Dukuh. Jika ada orang yang menyayangi, belas kasihan kepadamu, jangan pernah kamu melupakan itu. Namun jika ada orang yang berbuat buruk sekalipun membuat dirimu merasa malu, sebisa mungkin jangan mebalasnya. Mungkin Ida Sang Hyang Widhi (Tuhan) tidak bisa memaafkan. Begitu juga kamu jangan bermalas-malasan, melakukan tipu daya mencelakai orang lain. Luruskan pikiranmu berbuat yang baik. Selalu ingat berdoa kepada Ida Sang Hyang Widhi (Tuhan), selalu bertrisandya. Baiklah, demikian ayah memberi tahukan kamu, semoga Ida Sang Hyang Widhi Wasa (Tuhan Yang Maha Esa) memberikan anugerahNya kepada kamu dan ayah". Dikisahkan sekarang I Durma sudah bekerja (tanpa upah), belajar di Pesramannya Jero Dukuh. Jero Dukuh sangat senang hatinya, karena I Durma sangat rajin belajar dan cepat menangkap pelajaran. I Durma tidak memilih pekerjaan, apa pun yang diperintahkan oleh Jero Dukuh dikerjakan hingga selesai. Setiap malam diajarkan pelajaran sastra oleh Jero Dukuh. Karena ketekunannya belajar membaca, sehingga ia banyak mengetahui cerita, petuah dan agama. Setelah I Durma beranjak dewasa, ia selalu ke halaman depan istana, ia sudah biasa menghadap Raja di Wanakeling. Para Punggawa, tanda mantri semuanya tahu, dan sayang kepada I Durma. Di sanalah kemudian I Durma dijadikan pengawal istana, dijadikan bendara kerajaan.
Sehingga, I Durma tidak kekurangan makanan dan minuman serta selalu menggunakan pakaian bagus.
Walau pun demikian ia tidak pernah lupa bermasyarakat, selalu ingat dengan petuah ayahnya serta ajaran Jero Dukuh. Begitulah hasil dari orang yang rajin belajar dan rajin bekerja.
Enable comment auto-refresher